దత్తదేవుడి ఆశీస్సులు… వైఎస్ భారతి రెడ్డి పై ఉండాలి
1 min read![](https://i0.wp.com/newsnedu.com/wp-content/uploads/2023/12/152.jpg?fit=550%2C316&ssl=1)
వైసీపీ కర్నూలు నగర నాయకులు రాజా విష్ణువర్ధన్ రెడ్డి
- వైఎస్ భారతమ్మ జన్మదినం సందర్భంగా సాయిబాబా మాలాధారులకు అల్పాహారం,భిక్ష ఏర్పాటు
పల్లెవెలుగు:దత్తాత్రేయ స్వామి ఆశీస్సులు… వైఎస్ భారతి రెడ్డిపై మెండుగా ఉండాలని ఆకాంక్షించారు వైసీపీ కర్నూలు నగర నాయకులు రాజా విష్ణువర్ధన్ రెడ్డి, బీసీ సెల్ కర్నూలు జిల్లా ఇన్చార్జ్ నాగరాజు యాదవ్. సీఎం వైఎస్ జగన్మోహన్ రెడ్డి సతీమణి వైఎస్ భారతి రెడ్డి జన్మదినం సందర్భంగా శనివారం గంగాపూర్లోని శ్రీ దత్త పీఠం నందు సాయిబాబా మాలధారులకు అల్పాహారం, మధ్యాహ్నం (భిక్ష) అన్నదానం ఏర్పాటు చేశారు. ఈ సందర్భంగా రాజా విష్ణువర్ధన్ రెడ్డి మాట్లాడుతూ పవిత్ర పుణ్యక్షేత్రమైన దత్తపీఠంలో సాయిబాబా మాలధారులకు అల్పాహారం, భిక్ష ఏర్పాటు చేయడం సంతోషంగా ఉందన్నారు. ముఖ్యమంత్రి వైఎస్ జగన్మోహన్ రెడ్డి సతీమణి వైఎస్ భారతి రెడ్డిపై శ్రీ దత్తాత్రేయ స్వామి, సాయిబాబా ఆశీస్సులు ఉండాలని, ఆమె నిండు నూరేళ్లు వర్ధిల్లాలని ఆకాంక్షించారు. అనంతరం వైసీపీ బీసీ సెల్ కర్నూలు జిల్లా ఇన్చార్జ్ నాగరాజు యాదవ్ మాట్లాడుతూ వైఎస్ భారతమ్మ జన్మదినం సందర్భంగా శ్రీ దత్తాత్రేయ స్వామి దేవాలయంలో ప్రత్యేక పూజలు చేశామన్నారు. అలాగే సాయిబాబా మాలదారులకు అల్పాహారం,భిక్ష ఏర్పాటు చేశామన్నారు. కార్యక్రమంలో ప్రసాద్ యాదవ్, శేఖర్, రాము, సతీష్ తదితరులు పాల్గొన్నారు.
![](https://i0.wp.com/newsnedu.com/wp-content/uploads/2023/12/153.jpg?resize=550%2C302&ssl=1)