NEWSNEDU

NEWSNEDU | Telugu Latest News | KURNOOL AP

నిత్యానంద జీవ‌స‌మాధి పొందారా ?

1 min read

ప‌ల్లెవెలుగువెబ్ : నిత్యానంద స్వామి జీవసమాధి పొందారంటూ పుకార్లు రేగుతున్నాయి. నిత్యానంద‌ ఈక్వెడార్‌ సమీపంలోని ఓ ద్వీపంలో ఉంటున్నారు. నిత్యానంద ఆరోగ్యపరిస్థితులపై సామాజిక ప్రసార మాధ్యమాల్లో తరచూ వార్తలు వ‌స్తున్నాయి. గత రెండు రోజులుగా ‘కైలాసా’ వెబ్‌సైట్‌లో నిత్యానంద విగ్రహాలకు ప్రత్యేక అభిషేకాలు నిర్వహించిన వీడియో దృశ్యాలు, ఫొటోలు వెలువడ్డాయి. దీంతో ఆయన జీవ సమాధి పొందారనే అనుమానాలు బయలుదేరాయి. కైలాసదీవిలో నిర్వహించిన ఈ పూజలు పలు అనుమానాలకు తావిచ్చేవిధంగా ఉన్నాయంటూ ఆయన భక్తులు కలవరపడుతున్నారు. అయితే నిత్యానంద జీవసమాధి చేయలేదని ఆయన సన్నిహితశిష్యులు చెబుతున్నారు. నిత్యానంద విగ్రహాలకు అభిషేకాలు ఆ దేశంలోనే జరిగాయని, అంతమాత్రానికే ఆయన సమాధి చెందారని పుకార్లు వ్యాపింప చేయడం తగదని పేర్కొన్నారు. నిత్యానంద బ్రతికి ఉన్నారో లేదో స్పష్టంగా తెలియజేయాలంటూ భక్తులు, శిష్యులు సామాజిక ప్రసారమాధ్యమాల్లో డిమాండ్‌ చేస్తున్నారు.

                                                    

About Author