4 వేల మంది ఉద్యోగుల తొలగింపు
1 min read
పల్లెవెలుగువెబ్ : ఎలక్ట్రానిక్స్, ఎలక్ట్రికల్ ఉపకరణాల దిగ్గజం ‘ఫిలిప్స్’ భారీ సంఖ్యలో ఉద్యోగులను సాగనపేందుకు సిద్ధమవుతోంది. 4 వేల మంది ఉద్యోగులను తొలగిస్తున్నట్టు ‘ఫిలిప్స్’ నేడు ఓ ప్రకటనలో వెల్లడించింది. ఉద్యోగుల్లో చురుకుదనాన్ని పెంచి, ఉత్పాదకతను ఇనుమడింపజేసేందుకు ఈ నిర్ణయం దోహదపడుతుందని ‘ఫిలిప్స్’ సీఈవో రాయ్ జాకబ్స్ తెలిపారు. కంపెనీ మూడో త్రైమాసికం ఫలితాలను వెల్లడిస్తూ ఆయన ఈ విషయాన్ని పంచుకున్నారు. మూడో త్రైమాసికంలో నిర్వహణ, సరఫరా రంగ సవాళ్లు ఫిలిప్స్ వాణిజ్యంపై ప్రభావం చూపాయని వివరించారు. ఈ నేపథ్యంలో, బాధగాన ఉన్నా, ఉద్యోగుల తొలగింపు నిర్ణయం తీసుకోక తప్పలేదని రాయ్ జాకబ్స్ విచారం వ్యక్తం చేశారు.
About Author
