టీజీవి ట్రస్ట్ ఆధ్వర్యంలో తాళిబొట్టు కాలి మెట్టెలు, పట్టుబట్టలు పంపిణీ
1 min read
– ఈ నెల 16న పెళ్లి చేసుకోబోయే దంపతులకు తాళిబొట్టు, కాలి మెట్టెలు, పట్టుబట్టలు పంపిణీ చేసిన రాజ్యసభ మాజీ సభ్యులు టీజీ వెంకటేష్ సతిమణి శ్రీమతి టీజీ రాజ్యలక్ష్మి..
పల్లెవెలుగు వెబ్ కర్నూలు: రాజ్యసభ మాజీ సభ్యులు టీజీ వెంకటేష్ సౌజన్యంతో టీజీవి ట్రస్ట్ ఆధ్వర్యంలో ఈ నెల 16వ తేదీ వివాహం చేసుకోబోతున్న నూతన జంటలకు నగరంలోని సంకల్ భా గులోని తమ నివాసంలో రాజ్యసభ మాజీ సభ్యులు టీజీ వెంకటేష్ సతీమణి శ్రీమతి టీజీ రాజ్యలక్ష్మి తాళిబొట్టు, కాళ్ల మెట్టెలు, పట్టు వస్త్రాలను పంపిణీ చేశారు. ఈనెల 16వ తేదీ టీజీవీ ట్రస్ట్ ఆధ్వర్యంలో హిందూ సామాజిక వర్గానికి చెందిన 35 జంటలు, ముస్లిం సామాజిక వర్గానికి చెందిన 9 జంటలు, క్రిస్టియన్ సామాజిక వర్గానికి చెందిన 8 జంటలు మొత్తం 52 జంటలు వివాహం చేసుకోబోతున్నాయి. ఈ జంటలకు వీటితోపాటు ఒక్కొక్క జంటకు 60 వేల రూపాయల ఆర్థిక సహాయాన్ని టీజీవీ ట్రస్ట్ పెళ్ళి చేసుకునే 16 వా తేది అందిస్తోంది. నగరంలోని సంకల్ భాగ్ లోని రాజ్యసభ మాజీ సభ్యులు టీజీ వెంకటేష్ నివాసంలో జరిగిన ఈ కార్యక్రమంలో వివాహం చేసుకోబోతున్న జంటలతో పాటు వారి బంధువులు టిజివీ ట్రస్ట్ ప్రతినిధులు పాల్గొన్నారు.తమ వివాహాలకు సహాయం చేసిన రాజ్యసభ మాజీ సభ్యులు టీజీ వెంకటేష్ కు పెళ్లి చేసుకోబొతున్న నూతన జంటలు ధ న్యవాదాలు తెలిపారు.
About Author
