గ్రామపంచాయతీకి జిల్లాస్థాయి – ఉత్తమ పంచాయతీ పురస్కారం
1 min read
పల్లెవెలుగు వెబ్ చెన్నూరు : పంచాయతీ రాజ్ గ్రామీణ అభివృద్ధి సంస్థ డెవలప్మెంట్ జాతీయ పంచాయతీ రాజ్ దినోత్సవాన్ని పురస్కరించుకుని మండలం లోని బయనపల్లి గ్రామ పంచాయతీ ఉత్తమ ఆదర్శ గ్రామ పంచాయతి గా ఎన్నికై జిల్లాస్థాయి ప్రధమ బహుమతి తీసుకున్నట్లు ఎంపీడీవో గంగన పల్లె సురేష్ బాబు, సర్పంచ్ తుంగ చంద్రశేఖర్ యాదవ్ లు తెలిపారు, సోమవారం వారు చెన్నూరులో విలేకరులతో మాట్లాడుతూ, (ఎస్ డి జి ) సుస్థిరమైన అభివృద్ధి లక్ష్యాలు కు సంబంధించి పేదరికం లేని అలాగే మెరుగైన జీవనోపాదుల గ్రామపంచాయతీ విభాగంలో ఉత్తమ ప్రతిభ కనబరిచిన గ్రామ పంచాయతీలకు 2021- 2022 గాను ఉత్తమ పురస్కార అవార్డులను అందజేయడం జరుగుతుందని వారు తెలిపారు , ఈ విభాగంలో మండలం లోని బయన పల్లె గ్రామపంచాయతీకి జిల్లా స్థాయి ఉత్తమ గ్రామపంచాయతీ అవార్డు రావడం జరిగిందన్నారు, ఈ అవార్డును జిల్లా పరిషత్ చైర్మన్ ఆకెపాటి అమర్ నాధరెడ్డి కలెక్టర్ విజయరామరాజు చేతుల మీదుగా తీసుకోవడం జరిగిందని వారు తెలియజేశారు, గ్రామపంచాయతీ అభివృద్ధిలో భాగంగా అటు అధికారులు, ఇటు గ్రామపంచాయతి ప్రజలు, ప్రజా ప్రతినిధుల సహాయ సహకారాలతో గ్రామపంచాయతీ ఉత్తమ గ్రామ పంచాయతీగా తీర్చి దిద్దడం జరిగిందన్నారు, అదేవిధంగా గ్రామపంచాయతీ అభివృద్ధికి సంబంధించి కృషి చేసినందుకు ఎంపీడీవో గంగనపల్లి సురేష్ కు కూడా అవార్డును ఇవ్వడం జరిగిందని వారు తెలియజేశారు, అంతే కాకుండా మిగిలిన గ్రామ పంచాయతీలకు ఆయా గ్రామ పంచాయతీల పనితీరును బట్టి ఆయా కేటగిరీలలో ప్రోత్సాహ అవార్డులను ఇవ్వడం జరిగిందని వారు తెలిపారు, ఈ అవార్డుతో మరింత బాధ్యత పెరిగిందని, గ్రామ పంచాయతీలలో మెరుగైన వసతులు కల్పించడమే కాకుండా, పంచాయతీల అభివృద్ధికి మరింత కృషి చేయడం జరుగుతుందని ఎంపీడీవో తెలియజేశారు,, అదేవిధంగా ఆయా గ్రామ సర్పంచులు, అధ్యక్షులు, సిబ్బంది అంతా కూడా గ్రామాలలో పర్యటించి ఎక్కడైతే సమస్యలు ఉన్నాయో వాటిని గుర్తించి , వాటి పరిష్కారానికి కృషి చేయాలని ఆయన తెలియజేశారు, ఈ అవార్డు రావడానికి మండలంలోని ప్రజా ప్రతినిధులు, అధికారులు తో పాటు ప్రజల భాగ్యస్వామ్యంతో సహకారమైందని ఆయన తెలియజేశారు, మండలంలోని బయనపల్లి గ్రామపంచాయతీ ఉత్తమ గ్రామపంచాయతీగా జిల్లా స్థాయి అవార్డు రావడం పట్ల, ఎంపీపీ చీర్ల సురేష్ యాదవ్, జడ్పిటిసి ముదిరెడ్డి దిలీప్ రెడ్డి హర్షం వ్యక్తం చేశారు, మునుముందు గ్రామ పంచాయతీలకు సంబంధించి మరింత అభివృద్ధి సాధించే దిశగా అధికారులు ప్రజాప్రతినిధులు కృషి చేయవలసిన అవసరం ఎంతైనా ఉందని, ఈ సందర్భంగా వారు ఎంపీడీవో గంగనపల్లి సురేష్ బాబుకు, బయనపల్లి సర్పంచ్ తుంగా చంద్రశేఖర్ యాదవ్ కు శుభాకాంక్షలు తెలియజేశారు.
About Author
