మోదీ ఆస్తి ఎంతో తెలుసా ?

ప‌ల్లెవెలుగువెబ్ : ప్రధాని మోదీకి ప్రస్తుతం స్థిరాస్తి లేకుండా పోయింది. గాంధీనగర్‌లో ఉన్న ఒక్క ప్లాటు (నివాస స్థలం)ను కూడా ఆయన విరాళంగా ఇచ్చేశారు. ప్రస్తుతం ఆయన వద్ద ఉన్న చరాస్తుల విలువ రూ.2,23,82,504కి చేరిందని ప్రధాన మంత్రి కార్యాలయం (పీఎంవో) తాజాగా ప్రకటించింది. ఈ ఏడాది మార్చి 31నాటికి ప్రధాని, మరో పది మంది కేంద్ర మంత్రులకు ఉన్న ఆస్తుల వివరాలను తన వెబ్‌సైట్‌లో ఉంచింది. వాటి ప్రకారం నిరుడు మార్చి 31నాటికి రూ.1,97,68,885గా ఉన్న మోదీ చరాస్తుల విలువ.. ప్రస్తుత ఏడాది మార్చి 31నాటికి మరో 26.13 లక్షలు పెరిగింది. ఇందులో ఫిక్స్‌డ్‌ డిపాజిట్‌, బ్యాంకు బ్యాలెన్స్‌, చేతిలో ఉన్న నగదు, జీవిత బీమా పాలసీలు, జాతీయ పొదుపు పత్రాలు, బంగారు ఉంగరాలు ఉన్నాయి.

About Author

pvnews

See author's posts