నంద‌మూరి కళ్యాణ్ రామ్ భార్య ఎవ‌రో తెలుసా ?
1 min read
ప‌ల్లెవెలుగువెబ్ : బింబిసార చిత్రం విజ‌యం త‌ర్వాత కళ్యాణ్ రామ్ వ్యక్తిగత జీవితం గురించి తెలుసుకునేందుకు నెట్టింట సెర్చింగ్‌ మొదలుపెట్టారు. ఆయన భార్య స్వాతి ఎవరు, ఆమె బ్యాక్‌గ్రౌండ్‌ ఏంటి అన్న వివరాలపై సోషల్‌ మీడియాలో కథనాలు వెలువడుతున్నాయి. కల్యాణ్‌రామ్‌కు 2006 ఆగస్టు 10న స్వాతి అనే అమ్మాయితో వివాహం జరిగింది. వీరిది పెద్దలు కుదిర్చిన సంబంధం. పెళ్లి చూపుల్లోనే స్వాతిని చూసి ఇష్టపడిన కల్యాణ్‌ రామ్ ఆమెనే పెళ్లి చేసుకుంటానని పట్టుబట్టారట. ఇక ఆమె వృత్తిరీత్యా డాక్టర్‌. కల్యాణ్‌ రామ్ భార్య ఫ్యామిలీ విషయానికి వస్తే వారిదీ సంపన్న కుటుంబమే. ఆమె తండ్రికి ఫార్మా రంగంతో పాటు పలు పరిశ్రమలు ఉన్నాయట. ఇక స్వాతి కూడా బిజినెస్‌ రంగంలోనే ఉన్నారు. ఆమెకు సొంతంగా వీఎఫ్‌ఎక్స్‌ సంస్థ ఉంది. బింబిసార సినిమాకు సంబంధించి పోస్ట్‌ ప్రొడక్షన్‌ పనులు ఎక్కువ శాతం ఈ సంస్థలోనే జరిగినట్లు తెలుస్తోంది. ఇక కల్యాణ్‌రామ్‌-స్వాతి దంపతులకు అదైత, శౌర్య‌రామ అనే ఇద్దరు పిల్లలు ఉన్నారు.
About Author
