NEWSNEDU

NEWSNEDU | Telugu Latest News | KURNOOL AP

శిర్ధిసాయి పాదయాత్ర భక్తులకు అన్నదానం

1 min read

పల్లెవెలుగు వెబ్ బనగానపల్లె : పట్టణంలోని యాగంటి రహదారిలోని శ్రీ శిర్ధి సాయిబాబా సేవాశ్రమంలో జరుగుతున్న వార్షికోత్సవాల్లో పాల్గొనేందుకు సాయిపల్లకి మోసుకుని పాదయాత్రగా బయలుదేరి బనగానపల్లెకు విచ్చేసిన సాయి భక్తులకు బనగానపల్లె షిర్డీసాయి మందిరం కమిటీ నిర్వాహకులు బుధవారం అన్నదానం ఏర్పాటు చేశారు. ఈ సందర్భంగా కమిటీ అధ్యక్షుడు శ్రీరామ సుబ్రహ్మణ్యం మాట్లాడుతూ సాయి భక్తులు రెండు రోజుల క్రితం తాడిపత్రి నుంచి పాదయాత్రగా బయలుదేరి బుధవారం ఉదయం బనగానపల్లి చేరుకున్నారని అన్నారు. వారికి తమ సాయిబాబా మందిరంలో బస ఏర్పాటు చేసి అన్నదానం ఏర్పాటు చేసినట్లు ఆయన తెలిపారు. ఈ సందర్భంగా తాడిపత్రి శ్రీ సాయి సేవాశ్రమం సాయి భక్తులు మాట్లాడుతూ శ్రీ శిర్ధి సాయి మందిరం కమిటీ సభ్యులు తమ పట్ల చూపిన ఆదరణ నిజంగా మరువలేదని అన్నారు.ఈ కార్యక్రమంలో కమిటీ అధ్యక్షుడు శ్రీరామ సుబ్రహ్మణ్యం, సెక్రటరీ గుండా రవికుమార్, ఉపాధ్యక్షుడు ,వై మధు మోహన్ రెడ్డి, ఉన్నూరు బాబు గౌరవ సలహాదారులు గుండా శ్రీనివాసులు, గాదంశెట్టి వేణుగోపాల్, వై మద్దిలేటి రెడ్డి, నాగప్రసాద్, సురేష్ కుమార్ తదితరులు పాల్గొన్నారు.

About Author