ముంచుకొస్తోన్న విద్యుత్ సంక్షోభవం.. అప్రమత్తమైన కేంద్రం!
1 min read
పల్లెవెలుగువెబ్, ఢిల్లీ: బొగ్గు కొరత వల్ల రానున్న రోజుల్లో దేశంలో విద్యుత్ సంక్షోభం తీవ్ర ప్రభావం చూపే అవకాశాలు ఉండడంతో కేంద్రం అప్రమత్తమయింది. ముంచుకొస్తున్న విద్యుత్ సంక్షోభాన్ని ఎదుర్కొనేందుకు కేంద్ర మంత్రుత్వ శాఖ పలు కీలక నిర్ణయాలు తీసుకుంది. ఈమేరకు మంగళవారం అన్ని రాష్ట్రాలకు కొన్ని మార్గ సూచనలు జారీ చేసింది. దేశంలో బొగ్గు కొరత కారణంగా ఎదురయ్యే విద్యుత్ సంక్షోభాన్ని అధిగమించేందుకు అన్ని రాష్ట్రాలు విద్యుత్ సర్దుబాటుకు సమన్వయం చేసుకోవాలని కేంద్రం కోరుతోంది. విద్యుత్ మిగులు రాష్ట్రాలు ఇతర రాష్ట్రాలకు కరెంట్ సాయం అందించాలని అభిప్రాయపడింది. బొగ్గు కొరత నేపథ్యంలో కొన్ని రాష్ట్రాలు లోడ్ సర్దుబాటు కింద కోతలు విధిస్తూ సదరు విద్యుత్ను అధిక ధరలకు విక్రయింస్తున్నాయన్న విషయం తమ దృష్టికి వచ్చినట్లు పేర్కొంది. అలాంటి రాష్ట్రాలు ముందుగా తమ వినియోగదారులకు 24గంటల కరెంట్ సరపరా చేయకుండా విద్యత్ను విక్రయించకోవద్దని సూచించింది. వినియోగదారులకు అవసరమైన విద్యుత్ను సరఫరా చేయకుండా అక్రమ విక్రయాలకు పాల్పడే రాష్ట్రాలపై కఠిన చర్యలు తీసుకుంటామని కేంద్రం హెచ్చరించింది. విద్యుత్ కేటాయింపు మార్గదర్శకాల కింద… కేంద్ర ఉత్పాదక కేంద్రాల వద్ద ఏ రాష్ట్రాలకు కేటాయించని 15శాతం విద్యుత్ ఉందని, అత్యవసర సమయాల్లో కేంద్రం సదరు విద్యుత్ను అవసరమైన రాష్ట్రాలకు ఇవ్వనున్నట్లు పేర్కొంది.
రాష్ట్రానికి విద్యుత్ సమస్య తప్పదు.. మంత్రి బాలినేని
అమరావతి: దేశంలో నెలకొన్న బోగ్గు కొరత నేపథ్యంలో రాష్ట్రానికి ఏదో ఒక స్థాయిలో విద్యుత్ కోతల సమస్య తప్పదని రాష్ట్ర విద్యుత్శాఖ మంత్రి బాలినేని అన్నారు. అయితే రాష్ట్రంలో విద్యుత్ సంక్షోభం తక్కువ రోజులే ఉంటుందని స్పష్టం చేశారు. బొగ్గు కొరత దృష్ట్యా రాష్ట్రంలో నెలకొన్న ఇబ్బందులు త్వరలోనే తొలగిపోతాయని మంత్రి తెలిపారు. సమస్యను అధిగమించేందుకు ప్రభుత్వం అన్నిచర్యలు తీసుకుంటుందన్నారు. ఏపీలోని ధర్మత్ కేంద్రాలను బొగ్గు కొరత వల్లే మూసివేసినట్లు వెల్లడించారు. ఈ క్రమంలోనే రాయలసీమ థర్మల్ కేంద్రంలో వార్షిక మెయిన్టెనెన్స్ పనులు చేపట్టామన్నారు. అయితే తెలంగాణకు బొగ్గు కొరత లేదని, అక్కడి బొగ్గును ఏపీకి ఇవ్వడం లేదని ఆరోపించారు. శ్రీశైలంలో మాత్రమే విద్యదుత్పత్తి చేస్తున్నట్లు మంత్రి వెల్లడించారు.
About Author
