విద్యార్థులతో కలిసి.. భోజనం చేసిన డ్వామా పీడీ..
1 min read
పల్లెవెలుగు వెబ్, కర్నూలు: కర్నూలు జిల్లా తిమ్మాపురం మండలంలోని జెడ్పీ ఉన్నత పాఠశాలలో డ్వామా పీడీ బి. అమర్నాథ్ రెడ్డి విద్యార్థులతో కలిసి భోజనం చేశారు. అంతకు ముందు విద్యార్థులందరికీ అన్నం వడ్డించారు. ఏపీ సీఎం కప్ ప్రొగ్రాంలో భాగంగా డ్వామా పీడీ అమర్నాథ్ రెడ్డి సిబ్బందితో కలిసి జిల్లా పరిషత్ పాఠశాలలో విద్యార్థులకు కల్పిస్తున్న వసతులు, భోజనం మెనూ తదితర వివరాలను అడిగి తెలుసుకున్నారు.
వంటశాలను మరింత శుభ్రంగా ఉంచుకోవాలని, పిల్లలకు పౌష్టికాహారం అందించాలన్నారు. కాంపౌండ్ వాల్లో పిచ్చి మొక్కలు తొలగించి.. శుభ్రంగా ఉంచుకోవాలని సూచించారు. అనంతరం విద్యార్థులతో కలిసి ఫుట్బాల్ ఆడారు. కార్యక్రమంలో డ్వామా సిబ్బంది, జిల్లా పరిషత్ పాఠశాల సిబ్బంది ఉన్నారు.
About Author
