NEWSNEDU

NEWSNEDU | Telugu Latest News | KURNOOL AP

కరోన సమయంలో.. మంచి వసూళ్లు రావడం సంతోషం :టిజి భరత్

1 min read

పల్లెవెలుగు వెబ్​, కర్నూలు: కరోనా సమయంలో కూడా సినిమాలు మంచి వసూళ్లు రాబట్టడం మంచి పరిణామమని టీడీపీ కర్నూలు నియోజకవర్గ ఇంఛార్జీ టిజి భరత్ అన్నారు. మంగళవారం నగరంలోని మౌర్య ఇన్ లో నందమూరి బాలకృష్ణ హీరోగా నటించిన అఖండ సినిమా 50 రోజుల విజయోత్సవ కార్యక్రమం నిర్వహించారు. ఈ కార్యక్రమానికి ముఖ్య అతిథిగా టిజి భరత్ పాల్గొన్నారు. ఈ సందర్భంగా బాలయ్య సిటీ ఫ్యాన్స్ అసోసియేషన్ ఆధ్వర్యంలో టిజి భరత్ కు మెమెంటో ఇచ్చి సత్కరించారు.  కరోనా కష్టకాలంలో సినిమాలు విడుదల చేయాలంటేనే భయపడుతున్నారని భరత్ అన్నారు. ఈ పరిస్థితుల్లో విడుదలైన అఖండ మంచి వసూళ్లు రాబట్టడం పరిశ్రమకు ఊపు తెచ్చినట్లు అవుతుందన్నారు. తెలుగు సినిమాలు మరిన్ని మంచి విజయాలు సాధించాలని కోరుతున్నట్లు చెప్పారు. ఈ కార్యక్రమంలో ఫ్యాన్స్ అసోసియేషన్ సిటీ ప్రెసిడెంట్ నంది మధు, అభిమానులు పాల్గొన్నారు.

About Author