ప్రతిఒక్కరూ మాస్క్ ధరించాల్సిందే.. : ఎస్సై వెంకటేశ్వర్లు
1 min read![](https://i0.wp.com/newsnedu.com/wp-content/uploads/2021/12/413.jpg?fit=550%2C248&ssl=1)
పల్లెవెలుగు వెబ్, చిట్వేలు: ఒమిక్రాన్ వైరస్ వ్యాప్తి చెందుతున్న నేపథ్యంలో ప్రతిఒక్కరూ మాస్కు ధరించాలని సూచించారు ఎస్ఐ వెంకటేశ్వర్లు. గురువారం చిట్వేలిలో కోవిడ్ నిబంధనపై అవగాహన కల్పించారు. నూతన సంవత్సర వేడుకలలో ఎవరు పాల్గొనకూడదని వారి వారి ఇళ్లలోనే ఉంటూ అధికారులకు సహకరించాలని విజ్ఞప్తి చేశారు. జిల్లా ఎస్పీ అన్బురాజన్ ఆదేశాల మేరకు ఎవరైనా రాత్రి 9 గంటల నుంచి మరుసటి రోజు 6 గంటల వరకు రోడ్లపై తిరగ రాదని ప్రజలందరూ ఇంటికే పరిమితం కావాలని తమకు ఆదేశించారని ఎస్సై వెంకటేశ్వర్లు తెలిపారు. ప్రజలు ఈ ఆదేశాలను పాటించాల్సిందేనని ఆయన అన్నారు . ఆదేశాలను పాటించని వారిపై చట్టరీత్యా చర్యలు తీసుకుంటామని ప్రజలకు తెలియజేశారు. ఈ కార్యక్రమంలో హెడ్ కానిస్టేబుల్ కాటమయ్య తో పాటు స్టేషన్ సిబ్బంది పాల్గొన్నారు.