‘టీడీపీ’ అభిమానులు… సభ్యత్వం తీసుకోవాలి : టి.జి భ‌ర‌త్
1 min read
పల్లెవెలుగు వెబ్, కర్నూలు:ప్రతి ఒక్క తెలుగుదేశం పార్టీ అభిమాని త‌ప్పకుండా సభ్యత్వం తీసుకోవాల‌ని కర్నూలు నియోజ‌క‌వ‌ర్గ తెలుగుదేశం పార్టీ ఇంచార్జి టి.జి భ‌ర‌త్ అన్నారు. సోమ‌వారం న‌గ‌రంలోని 1వ వార్డులో ఆ పార్టీ సభ్యత్వం న‌మోదు కార్యక్రమాన్ని కర్నూలు పార్లమెంట్ అధ్యక్షుడు సోమిశెట్టి వెంక‌టేశ్వర్లుతో క‌లిసి ఆయ‌న ప్రారంభించారు. స్థానిక నేత‌ల‌కు స‌భ్యత్వానికి సంబంధించిన ప‌త్రాలు అంద‌జేశారు. అనంత‌రం ఆయ‌న మాట్లాడుతూ టిడిపి సభ్యత్వం తీసుకోవ‌డం వ‌ల్ల ఎన్నో ప్ర‌యోజ‌నాలు ఉంటాయ‌ని కార్యక‌ర్తలు, పార్టీ అభిమానుల‌కు తెలియ‌జేశారు. నేత‌లు ప్రజ‌ల వ‌ద్దకు వెళ్లి స‌భ్యత్వంపై అవ‌గాహ‌న క‌ల్పించాల‌ని కోరారు. ఇక క‌ర్నూల్లో అభివృద్ధి ఎలా ఉందో ప్రజ‌లు చూడాలన్నారు. టిజి వెంక‌టేష్ హ‌యాంలో అభివృద్ధి ఏంటో ఇప్పుడు జ‌రుగుతున్న అభివృద్ధి ఏంటో ఆలోచించుకోవాల‌న్నారు. కార్యక్రమంలో భాగంగా రోడ్డు ప్రమాదంలో రెండు కాళ్లు కోల్పోయిన వ్యక్తికి త‌మ టిజివి సంస్థల నుండి ఎప్పటికీ స‌హకారం అందుతుంద‌ని భ‌రోసా ఇచ్చారు. దీంతో బాదితులు సంతోషం వ్యక్తం చేశారు. ఈ కార్యక్రమంలో వార్డు ఇంచార్జి ర‌మీజ్ బాష, క్ల‌స్టర్ ఇంచార్జి హ‌మీద్‌, మారుతి కుమార్, కిర‌ణ్‌, కార్యక‌ర్తలు, తదిత‌రులు పాల్గొన్నారు.
About Author
