మిడుతూరులో అర్ధరాత్రి ఘోర రోడ్డు ప్రమాదం
1 min read
– రోడ్డు పక్కన నిల్చున్న వారిని ఢీకొట్టిన లారీ -నుజ్జు నుజైన నందికొట్కూరు వాసి మహిళ -ఇద్దరికీ తీవ్ర గాయాలు
పల్లెవెలుగు వెబ్ మిడుతూరు: శనివారం రోజు అర్ధరాత్రి మిడుతూరులో జరిగిన ఘోర రోడ్డు ప్రమాదంలో మహిళ అక్కడికక్కడే దుర్మరణం చెందిన సంఘటన మండల కేంద్రంలో జరిగింది.పోలీసులు తెలిపిన వివరాల మేరకు నందికొట్కూరు పట్టణంలోని బైరెడ్డి నగర్ లో నివాసం ఉంటున్న షేక్ మాబున్ని మరియు ఆమె భర్త శాలు భాష,పెద్ద కుమారుడు మౌలాలి వీరందరూ కలిసి ఓర్వకల్లులో జరిగే జాతర ఉరుసులో బొమ్మలను అమ్మడానికి బ్రతుకు దెరువు నిమిత్తం వారు అక్కడికి వెళ్లారు.ఉరుసు ముగిసిన అనంతరం వారు ట్రాలీ ఆటోలో ఓర్వకల్లు నుండి నందికొట్కూరుకు వారు బయలుదేరారు.మిడుతూరు-నందికొట్కూరు మధ్యలో ఉన్న పప్పుల బట్టి దగ్గర శనివారం అర్ధరాత్రి 12:30 సమయంలో ఆటో టైరు పంచర్ కావడంతో రోడ్డు పక్కనే వాళ్లు నిల్చుని ఉండగా నంద్యాల నుండి నందికొట్కూరుకు వెళ్తున్న సిమెంట్ లారీ(ఏపీ 16 టిఈ 5913)డ్రైవర్ రమణయ్య అతివేగంగా వచ్చి రోడ్డు పక్కన నిలుచున్న షేక్ మాబున్ని(34)మరియు వారి కుటుంబ సభ్యులను లారీ తగలడంతో లారీ టైర్ల కింద పడి మాబున్ని అక్కడికక్కడే(ఆమె శరీరం నుజ్జునుజు అయింది)దుర్మరణం చెందారు.ఆమె భర్త శాలు భాష,పెద్ద కుమారుడు మౌలాలీలకు తీవ్రంగా గాయాలు అయ్యాయి.సంఘటన స్థలానికి చేరుకున్న ఎస్సై మారుతి శంకర్ మరియు సిబ్బంది సలాం,మదన్ గౌడ్ క్చతగాత్రులను 108 అంబులెన్స్ లో నందికొట్కూరు ప్రభుత్వ ఆసుపత్రికి తరలించారు.లారీ డ్రైవర్ రమణయ్య ను పోలీసులు అదుపులోకి తీసుకుని లారీని పోలీస్ స్టేషన్లో ఉంచినట్లు డ్రైవర్ పై కేసు నమోదు చేసినట్లు పోలీసులు తెలిపారు.
About Author
