కొత్త మంత్రులు ఉత్సవ విగ్రహాలు !
1 min read
ప‌ల్లెవెలుగువెబ్ : సీఎం జగన్ మంత్రివర్గ కూర్పు ఒక ప్రహసనం అని, మంత్రులు ఉత్సవ విగ్రహాలు అని పీసీసీ వర్కింగ్ ప్రెసిడెంట్ తులసిరెడ్డి వ్యాఖ్యలు చేశారు. సోమవారం మీడియాతో మాట్లాడుతూ… విధులు, నిధులు, అధికారాలులేని మంత్రి పదవులు ఉన్నా ఒకటే లేకున్నా ఒకటే అని అన్నారు. మూడూ నెలలు సాము గరిడిలు చేసి మూలనున్న ముసలమ్మను కొట్టినట్టుంది ఈ కసరత్తు అంటూ యెద్దేవా చేశారు. 11 మంది పాత వారితో, 14 మంది కొత్త వారితో ఏర్పాటు చేసేందుకు ఇంత తతంగం అవసరమా? అని ప్రశ్నించారు. పాత వారిలో 13 మందిని ఎందుకు తొలగించినట్లు? అసమర్థులా? అవినీతిపరులా? ముఖ్యమంత్రి ప్రజలకు సమాధానం చెప్పాలని డిమాండ్ చేశారు.
About Author
