చిన్నారి వైద్యచికిత్సకు.. ఆర్థిక సాయం
1 min read
పల్లెవెలుగువెబ్, రాయచోటి : పట్టణంలోని 28వ వార్డులో నివాసం ఉంటున్న ఆటో డ్రైవర్ షేక్ జాకీర్ కుమార్తె వైద్యచికిత్స కోసం బైపారి మహమ్మద్ ఖాన్ రూ.25వేలు ఆర్థిక సహాయం చేశారు. వివరాలిలా ఉన్నాయి. పేద కుటుంబానికి చెందిన జాకీర్ కుమార్తె బోన్ క్యాన్సర్ వ్యాధితో బాధపడుతూ ఉండేది. గతంలో చిన్నారికి ఆపరేషన్ చేయించినా.. ఫలితం లేకపోయింది. రెండో సారి ఆపరేషన్ చేయించగా..సక్సెస్ అయింది. కానీ పాప కోలుకోవాలంటే ఐదు ఇంజక్షన్లు వేయాలని వైద్యులు సూచించడంతో … చిన్నారి తండ్రి జాకీర్ ఆ వార్డు కౌన్సిలర్ సలీంను సంప్రదించగా ఆయన ప్రభుత్వ ఆస్పత్రి అభివృద్ధి కమిటీ చైర్మన్ బేపారి మహమ్మద్ ఖాన్ను సంప్రదించారు. చిన్నారి కథనం విన్న బైపారి మహమ్మద్ వెంటనే ఇంజక్షన్ల కోసం రూ. 25వేలు నగదును ఆ పాప తండ్రి జాకీర్కు అందజేశారు. కార్యక్రమంలో ఎమ్మెల్యే పీఓ నిస్సార్ తదితరులు పాల్గొన్నారు.
About Author
