‘కోవిడ్’ సేవకులకు.. పీపీఈ కిట్లు
1 min read
పీపీఈ కిట్లు అందజేస్తున్న కలెక్టర్ ఇంతియాజ్
– కలెక్టర్ ఇంతియాజ్
పల్లెవెలుగు వెబ్, విజయవాడ : కరోన మహమ్మారితో ఇబ్బందులు ఎదుర్కొంటున్న వారికి చేయూత నిస్తూ.. సేవా కార్యక్రమాలు నిర్వహించే సేవకులకు పీపీఈ కిట్లు అందిస్తామని కలెక్టర్ ఏఎండీ ఇంతియాజ్ తెలిపారు. శనివారం స్థానిక కలెక్టర్ క్యాంప్ కార్యాలయంలో తిరువూరు శాసన సభ్యులు ప్రతినిధికి వి.సురేష్ కు పీపీఈ కిట్లు బాక్స్ ను కలెక్టర్ అందజేశారు. ఈ విపత్కర పరిస్థితుల్లో ప్రజా ప్రతినిధులు స్పందించి ముందుకు రావడం అభినందనీయ మన్నారు. జిల్లాలో కరోన స్ట్రెయిన్ వ్యాప్తి నేపథ్యంలో ప్రజలు వ్యక్తిగతంగా జాగ్రత్త వహించి, ప్రభుత్వం నిర్ధేశించిన మార్గదర్శకాలు పాటించాలన్నారు. ప్రజలకు ఈ విపత్కర పరిస్థితుల్లో అండగా నిలుస్తూ సహాయం చేసే వారికి తిరువూరు శాసనసభ్యులు ఆధ్వర్యంలోభద్రత కిట్లను అందజేస్తామని స్పష్టం చేశారు.
About Author
