సేవకులకు.. సహాయం
1 min read
– నిత్యావసర సరుకులు పంపిణీ చేసిన లయన్స్ క్లబ్
పల్లెవెలుగు వెబ్, రాయచోటి: కరోన వైరస్తో మృతి చెందిన అనాధలకు అంత్యక్రియలు చేస్తూ… అందరికీ ఆదర్శంగా నిలిచిన బాలాజి, ప్రభాకర్ బృందాన్ని లయన్స్ క్లబ్ రాయచోటి వ్యవస్థాపక అధ్యక్షులు లయన్ హరినాథ్ రెడ్డి, సీఐ రాజు అభినందించారు. ఆదివారం రాయచోటి పట్టణం కంసాలవీధి, టుడే ఫ్యాషన్ దగ్గర సమాజ సేవకులు బాలాజి, ప్రభాకర్ బృందానికి సీఐ రాజు చేతుల మీదుగా నిత్యావసర సరుకులు, పాదరక్షలు పంపిణీ చేశారు. ఈ సందర్భంగా సీఐ రాజు మాట్లాడుతూ పట్టణంలో కరోనా వైరస్తో మృతి చెందిన అనాథ శవాలకు అంత్యక్రియలు చేయడం గొప్ప విషయమన్నారు. వైరస్ ఉందంటే.. ముట్టుకునేందుకు భయపడుతున్న క్రమంలో బాలాజి, ప్రభాకర్ బృందం ధైర్యంతో అంత్యక్రియలు చేస్తున్నారని ప్రశంసించారు. కార్యక్రమంలో ఆర్యవైశ్య యువజన సంఘం అధ్యక్షులు లైన్ కూన విజయ్కుమర్, మున్సిపల్ అధికారి మల్లికార్జున, లయన్స్ క్లబ్ సభ్యులు సతీష్ , ఆర్యవైశ్య యువజన సంఘం సభ్యులు విద్యాసాగర్, సుమన్ టుడే ఫ్యాషన్ సిబ్బంది పాల్గొన్నారు.
About Author
