సేవకు.. ప్రాధాన్యం..
1 min read
టీడీపీ కర్నూలు అభ్యర్థి టీజీ భరత్
- ‘హార్ట్ ఫౌండేషన్’లో..లిఫ్ట్ ప్రారంభం..
కర్నూలు, పల్లెవెలుగు:నగరవాసులకు సేవ చేయడమే లక్ష్యంగా పెట్టుకున్నామని, ప్రజా సమస్యలను అందుబాటులో ఉండి పరిష్కరిస్తామని హామీ ఇచ్చారు టీడీపీ కర్నూలు అసెంబ్లీ అభ్యర్థి టీజీ భరత్. శనివారం నగరంలోని ఏక్యాంపులో హార్ట్ ఫౌండేషన్ ఆధ్వర్యంలో ఏర్పాటు చేసిన లిఫ్ట్ను ఆయన ప్రారంభించారు. ఈ సందర్భంగా టీజీ భరత్ మాట్లాడుతూ టీజీవీ సంస్థల ద్వారా ప్రజలకు సేవ చేయడానికి సిద్ధంగా ఉన్నామన్నారు. కర్నూలు హార్ట్ ఫౌండేషన్ నిర్వాహకుల సేవలు అద్వితీయమన్నారు. మెడికల్ విద్యార్థులకు, ప్రజలకు వివిధ వ్యాధులకు సంబంధించి అవగాహన కల్పించేందుకు వైద్యనిపుణులు పిలిపించి… టీచింగ్ ఇప్పించడం అభినందనీయమన్నారు. గుండె, కిడ్నీ, ఊపిరితిత్తులు, కళ్లు… ఇలా మనిషి శరీరంలోని ప్రతి అవయవానికి సంబంధించి వ్యాధి రాకుండా ఉండేందకు ముందుగా తీసుకోవాల్సిన జాగ్రత్తలు, వ్యాయామం, పౌష్టిక ఆహారం తదితర అంశాలపై క్షుణ్ణంగా వివరించడంలో సఫలమయ్యారని ప్రశంసించారు. కార్యక్రమంలో హార్ట్ ఫౌండేషన్ ప్రధాన సెక్రటరి, హార్ట్ అండ్ బ్రెయిన్ మల్టీ సూపర్ స్పెషాలిటీ అధినేత, సీనియర్ కార్డియాలజిస్ట్ డా. చంద్రశేఖర్, చంద్రశేఖర్ కల్కూర, తదితరులు పాల్గొన్నారు.
About Author
