పేదలకు.. కార్పొరేట్​ వైద్యం..

ఎమ్మెల్యే పి. రవీంద్ర నాథ్ రెడ్డి
పల్లెవెలుగువెబ్​, చెన్నూరు: పేదలకు కార్పొరేట్​ వైద్యం అందించడమే ప్రభుత్వ ధ్యేయమని కమలాపురం ఎమ్మెల్యే పి. రవీంద్రనాథ్​ రెడ్డి అన్నారు. శనివారం ఆయన స్థానిక పీహెచ్​సీలో జరుగుతున్న అభివృద్ధి పనులను పరిశీలించారు. ఈ సందర్భంగా ఎమ్మెల్యే మాట్లాడుతూ సీఎం వైఎస్​ జగన్​మోహన్​ రెడ్డి విద్య, వైద్యం, వ్యవసాయం పై ప్రత్యేక దృష్టిసారించారన్నారు. గతంలో పెద్దపెద్ద జబ్బులకు అటు హైదరాబాద్, చెన్నై, బెంగళూరు లాంటి రాష్ట్రాలకు వెళ్లాల్సి వచ్చేదన్నారు, అలాంటిది నేడు రాష్ట్రంలో వైద్యానికి పెద్దపీట వేయడం జరిగిందన్నారు. కమలాపురం నియోజకవర్గంలో 6 కోట్ల 70 లక్షలతో పనులు చేపట్టామని, ఇందులో చెన్నూరు సామాజిక ఆరోగ్య కేంద్రం ( సి హెచ్ సి) కి 4 కోట్ల 70 లక్షలతో అభివృద్ధి పనులు జరుగుతున్నాయన్నారు. ఆస్పత్రి ఆధునికీకరణతోపాటు వసతులు, మార్చురి, అంబులెన్స్​ షెడ్డులు, రోగుల సహాయకులకు విశ్రాంతి గదులుతోపాటు ఆస్ప్రతికి సామగ్రి కొరత లేకుండా సకల సౌకర్యాలు కల్పిస్తామన్నారు. సామాజిక ఆరోగ్య కేంద్రానికి సంబంధించి ఏపీ ఎం ఎస్ ఐ డి సి ఆధ్వర్యంలో జరుగుతున్నాయని అధికారులు అన్ని పనులను ఎప్పటికప్పుడు పర్యవేక్షిస్తూ ఉంటారన్నారు. ఈ కార్యక్రమంలో, వై ఎస్ ఆర్ సి పి జిల్లా అధికార ప్రతినిధి గుమ్మా రాజేంద్ర ప్రసాద్ రెడ్డి, కడప మార్కెట్ యార్డు చైర్మన్ జి ఎం భాస్కర్ రెడ్డి, ఎంపీపీ చీర్ల సురేష్ యాదవ్, రా మ న శ్రీ లక్ష్మి రెడ్డి, సర్పంచ్ వెంకటసుబ్బయ్య, వై ఎస్ ఆర్ సి పి మైనార్టీ నాయకులు , అన్వర్ భాష, అబ్దుల్ రబ్, వారిస్, మునీర్ అహ్మద్, హస్రత్, సి హెచ్ సి వైద్యాధికారి డాక్టర్ కృష్ణారెడ్డి, పీహెచ్సీ వైద్యాధికారి డాక్టర్ చెన్నారెడ్డి, తాసిల్దార్ అనురాధ, ప్రజా ప్రతినిధులు, వైఎస్ఆర్ సీపీ నాయకులు, కార్యకర్తలు తదితరులు పాల్గొన్నారు.

About Author

PALLEVELUGU

See author's posts