తెర‌మీద‌కి ‘నాలుగో సింహం’

క‌నిపించే మూడు సింహాలు.. చ‌ట్టానికి,న్యాయానికి, ధ‌ర్మానికి ప్రతిరూపాలైతే.. క‌నప‌డ‌ని నాలుగో సింహ‌మేరా పోలీస్ ’ అంటూ డైలాగ్ కింగ్ సాయికుమార్ చెప్పే డైలాగ్ ఇండస్ట్రీని ఒక్క కుదుపు కుదిపింద‌ని చెప్పుకోవ‌చ్చు. పోలీస్ స్టోరి సినిమాలోని ఆ డైలాగ్ సాయికుమార్ కెరీర్ ని మ‌లుపు తిప్పింది. ఆ త‌ర్వాత శ‌ర్వానంద్ తో క‌లిసి న‌టించిన ‘ ప్రస్థానం’ సినిమా కూడ సాయి కుమార్ కెరీర్ లో ఒక మంచి చిత్రమ‌ని చెప్పుకోవ‌చ్చు. పోలీస్ స్టోరీ త‌ర్వాత అలాంటి షేడ్స్ ఉన్న పాత్ర ప్రస్థానం సినిమాలో సాయికుమార్ పోషించారు. అయితే.. పోలీస్ స్టోరీ సినిమాకు సీక్వెల్ రాబోతున్నట్టు ఇటీవ‌ల ఓ ఇంట‌ర్వ్యూలో తెలిపాడు న‌టుడు సాయికుమార్. పోలీస్ స్టోరీ నిర్మించిన టీమ్ తోనే పోలీస్ స్టోరీ సీక్వెల్ నిర్మిస్తున్నట్ట తెలిపారు. అప్పట్లోనే పాన్ ఇండియా సినిమాగా రిలీజ్ అయిన పోలీస్ స్టోరీ సీక్వెల్.. ఇప్పుడు ‘నాలుగో సింహం’ పేరుతో నిర్మిస్తున్నట్టు సాయికుమార్ తెలిపారు. ఇక ఈ సినిమాలో సాయికుమార్ న‌ట విశ్వరూపం ఎలా ఉండ‌బోతుంద‌న్న ఆతృత అభిమానులంద‌రిలో మొద‌లైంద‌నే చెప్పవ‌చ్చు.

About Author

PALLEVELUGU

See author's posts