శ్రీశైలం పాదయాత్రికులకు ఉచిత అన్నదాన కార్యక్రమం
1 min read
పల్లెవెలుగు వెబ్ నందికొట్కూరు: మహా శివరాత్రి సందర్భంగా శ్రీశైలానికి కాలినడకన వెళుతున్న శివ స్వాములకు, పాదయాత్రికులకు యూకేఆర్ యూత్ ఆధ్వర్యంలో ఉచిత అన్నదాన కార్యక్రమం నిర్వహించారు. నందికొట్కూరు పట్టణంలో ఎన్టీఆర్ జలాశయం సమీపంలో ఏర్పాటు చేసిన అన్నదాన కార్యక్రమాని వైసీపీ నాయకులు కౌన్సిలర్ ఉండవల్లి ధర్మా రెడ్డి, బ్రాహ్మణ కొట్కూరు వైసీపీ యువ నాయకులు ఉదయ్ కిరణ్ కుమార్ రెడ్డి, పగిడ్యాల వైసీపీ నాయకులు ఉదయ్ కిరణ్ కుమార్ రెడ్డి లు ప్రారంభించారు.ఈ సందర్భంగా వారు మాట్లాడుతూ దాతల సహకారంతో యూకేఆర్ యూత్ ఆధ్వర్యంలో ఈ కార్యక్రమాన్ని నిర్వహిస్తున్నామని అన్నారు. శనివారం నుండి 15 వ తేదీ బుధవారం వరకు ఐదు రోజుల పాటు శ్రీశైలానికి కాలినడకన వెళ్ళే భక్తులకు, శివ స్వాములకు అన్నదాన కార్యక్రమం కొనసాగుతుందన్నారు.కార్యక్రమంలో యూకేఆర్ యూత్ సభ్యులు రాజేష్, బోరింగ్ మద్దిలేటి, విజయ భాస్కర్, కిరణ్, తిరుమలేష్, రవి, వెంకటేశ్వర్లు, మధు, మల్లి, తదితరులు పాల్గొన్నారు.
About Author
