మౌర్య హాస్పిటల్ ఆధ్వర్యంలో ఉచిత వైద్య శిబిరం
1 min read
నంద్యాల, న్యూస్ నేడు:వ్యాయామం చేయకపోవడం…ఫాస్ట్ ఫుడ్ కు అలవాటు పడటం…సమయానికి పౌష్టిక ఆహారం తీసుకోకపోవడం… తదితర కారణాలతో గ్యాస్ట్రిక్ సమస్యలు అధికమయ్యాయని ఆందోళన వ్యక్తం చేశారు మౌర్య హాస్పిటల్ నిర్వాహకులు, గ్యాస్ట్రిక్ మరియు బారిట్రిక్ వైద్య నిపుణులు డా. ఎస్. వసీం హాసన్ రాజా. మంగళవారం నంద్యాల జిల్లా ఫారెస్ట్ డిపార్ట్మెంట్ అధికారులు, సిబ్బందికి మౌర్య హాస్పిటల్ ఆధ్వర్యంలో ఉచిత వైద్య శిబిరం నిర్వహించారు. ఈ సందర్భంగా అవసరమైన వారికి ECG, 2DECHO మరియు రక్త పరీక్షలు చేశారు. వైద్య చికిత్సలు చేసి… మందులు ఉచితంగా అందజేశారు. ఆ తరువాత డా. వసీం హాసన్ రాజ మాట్లాడుతూ గ్యాస్ట్రిక్ సమస్య కారణంగా అప్పుడప్పడు ఎదలో నొప్పిగా ఉంటుందని, అది గుండె నొప్పా… లేదా గ్యాస్ట్రిక్ సమస్య అని దగ్గరలోని వైద్యులను సంప్రదించాలన్నారు. ప్రతి రోజు ఉదయం వ్యాయామం చేయాలని సూచించారు. కార్యక్రమంలో నంద్యాల జిల్లా ఫారెస్ట్ అధికారిణి (DFO ) T. నాగమహేశ్వరీ , సిబ్బంది పాల్గొన్నారు.
About Author
