20న ఉచిత మెగా వైద్య శిబిరం
1 min readపల్లెవెలుగు వెబ్ చెన్నూరు: కమలాపురం శాసనసభ్యులు పోచం రెడ్డి రవీంద్రనాథ్ రెడ్డి జన్మదినాన్ని పురస్కరించుకొని సన్ రైజ్ హాస్పిటల్ వారి ఆధ్వర్యంలో 20వ తేదీ ఆదివారం స్థానిక జిల్లా పరిషత్ బాలుర ఉన్నత పాఠశాలలో ఉదయం 9:30 గంటల నుండి, మధ్యాహ్నం 1:30 గంటల వరకు ఉచిత వైద్య శిబిరాన్ని నిర్వహిస్తున్నట్లు మండల వైయస్ఆర్సీపీ నాయకులు తెలిపారు, ఈ సందర్భంగా వారు శుక్రవారం మండల వైఎస్సార్సీపీ కార్యాలయంలో విలేకరులతో మాట్లాడుతూ, ఈ ఉచిత వైద్య శిబిరంలో బిపి ,షుగర్ వ్యాధులకు పరీక్షలు నిర్వహించి ఉచితంగా మందులు పంపిణీ చేయడం జరుగుతుందన్నారు, అలాగే విష జ్వరాలు, గుండె సమస్యలు, ఎముకలు కీళ్ల వ్యాధులు, కిడ్నీ ,డయాలసిస్, థైరాయిడ్ గడ్డలు, పలు రకాలైన క్యాన్సర్ జబ్బులకు ప్రముఖ వైద్య నిపుణులు ఈ కార్యక్రమంలో పాల్గొని ఉచితంగా వైద్య పరీక్షలు నిర్వహిస్తారని కాబట్టి మండల ప్రజలు ఈ అవకాశాన్ని సద్వినియోగం చేసుకోవాలని వారు తెలియజేశారు.
About Author
