NEWSNEDU

NEWSNEDU | Telugu Latest News | KURNOOL AP

అక్టోబర్ 2 న ఉచిత కుట్టుమిషన్లు పంపిణీ

1 min read

– గాంధీ జయంతి సందర్భంగా మహిళలకు కుట్టు మిషన్లు పంపిణీ                                   

పల్లెవెలుగు వెబ్ పత్తికొండ: అక్టోబర్ 2 మహాత్మ గాంధీ జయంతి సందర్భంగా ఉచిత కుట్టు మిషన్లు పంపిణీ చేయనున్నట్లు కోచింగ్ రెడ్డి సేవాదళ్ సంస్థ వ్యవస్థాపక అధ్యక్షులు మురళీధర్ రెడ్డి చెప్పారు. కుట్టు మిషన్లు తీసుకుంటున్న మహిళలతో శనివారం సేవాదళ్ కార్యాలయంలో  సమావేశమయ్యారు. ఈ సందర్భంగా పోచిమిరెడ్డి మురళీధర్ రెడ్డి మాట్లాడుతూ, పోచిమిరెడ్డి సేవాదళ్ నందు శిక్షణ పొంది అర్హులైన 45 మంది అక్కా చెల్లెమ్మలకు అక్టోబర్ రెండు న ఉచిత కుట్టుమిషన్లు పంపిణీ చేస్తున్నట్లు తెలిపారు. పోచం రెడ్డి సేవాదళ్ కార్యాలయంలో కుట్టు శిక్షణ ను పరిశీలించి వారి యోగక్షేమాలు అడిగి తెలుసుకున్నారు. ఇంతకు మునుపు ఉచిత కుట్టు మిషన్లు తీసుకున్న మహిళలను వారి ఆర్థిక పరిస్థితుల  గురించి వాకబు చేశారు. వారు సమాధానం ఇస్తూ కుటుంబానికి రెండు నుంచి మూడు వేల రూపాయల వరకు ఆదాయం వస్తుందని తెలియజేశారు. ఉచిత కుట్టు మిషన్లు అందజేయడంతోనే మా బాధ్యత తీరిపోలేదని ఇకపై కుట్టు అల్లికలపై ఏవైనా సలహాలు అవసరమైతే ఎప్పుడైనా సరే సేవాదళ్ కార్యాలయానికి వచ్చి నేర్చుకోవచ్చని తెలిపారు. మహిళలకు అన్ని విధాల సేవాదళ్ తోడు ఉంటుందని ఆయన భరోసా ఇచ్చారు.

About Author