సాయితేజ్ ప్రమాదం నుంచి ఆస్పత్రి వ‌ర‌కు.. వెంట ఉన్నది ఈయ‌నే !
1 min read
ప‌ల్లెవెలుగు వెబ్ : అబ్దుల్ .. అమీర్ పేట‌లోని ఎల్లారెడ్డి గూడ‌కు చెందిన వ్యక్తి. సీఎంఆర్ సంస్థలో వాలెట్ పార్కింగ్ లో ఉద్యోగం చేస్తుంటాడు. నిజాంపేట‌లో ప‌ని ఉండ‌టంతో జూబ్లీహిల్స్, తీగ‌ల వంతెన మీదుగా.. హైటెక్ సిటీ, జేఎన్టీయూ మీదుగా బైక్ పై వెళ్లాల‌ని బ‌య‌లుదేరాడు. తీగ‌ల వంతెన మీదకు రాగానే ఒక బైక్ అదుపు త‌ప్పి జూరుకుంటూ వ‌చ్చింది. బైక్ పై ఉన్న వ్యక్తి పల్టీలు కొడుతూ రోడ్డు పై ప‌డ్డాడు. ఆయ‌నెవ‌రో అబ్దుల్ కి తెలియ‌దు. కానీ తాను వెళ్తున్న రోడ్డుపై ప్రమాదం జ‌ర‌గ‌డం గ‌మ‌నించి త‌న బాధ్యత‌గా వెంట‌నే డ‌య‌ల్ 100కు, ఆ త‌ర్వాత 108 అంబులెన్స్ కు ఫోన్ చేశారు. ఆయ‌న్ని ఆస్పత్రికి త‌ర‌లించడంలో స‌హాయం చేయ‌డ‌మే కాకుండా.. ఆస్పత్రి వ‌ర‌కు సాయి ధ‌ర‌మ్ తేజ్ వెంటే ఉన్నాడు. ఒక పౌరుడిగా ప్రమాదం జ‌రిగిన వెంట‌నే అబ్దుల్ స్పందించ‌డంతో స‌కాలంలో సాయితేజ్ ని ఆస్పత్రికి త‌ర‌లించారు. దీంతో ఎంతో మేలు జ‌రిగింద‌ని పోలీసులు తెలిపారు.
About Author
