‘గౌరు’ కృషి.. భేష్..: నారా చంద్రబాబు నాయుడు
1 min read![](https://i0.wp.com/newsnedu.com/wp-content/uploads/2021/12/135.jpg?fit=922%2C538&ssl=1)
పల్లెవెలుగు వెబ్: స్థానిక నగర పంచాయతీ ఎన్నికల్లో టీడీపీ నంద్యాల పార్లమెంట్ అధ్యక్షుడు గౌరు వెంకట రెడ్డి , డోన్ ఇన్చార్జ్ మన్నే సుబ్బారెడ్డి సమిష్టిగా పోరాడి విజయం సాధించారన్నారు టీడీపీ జాతీయ అధ్యక్షులు నారా చంద్రబాబు నాయుడు. కార్యకర్తలు, నాయకులను సమన్వయం చేసుకుంటూ… ఎన్నికల్లో గట్టి పోటీ ఇచ్చారని అభినందించారు. డోన్ మున్సిపాలిటీలో 6 వార్డులు, బేతంచర్ల నగర పంచాయతీలో టీడీపీ విజయఢంకా మోగించింది. ఈ నేపథ్యంలో శనివారం విజయవాడలోని టిడిపి ప్రధాన కార్యాలయంలో జాతీయ అధ్యక్షుడు నారా చంద్రబాబు నాయుడు ఆధ్వర్యంలో మున్సిపల్, నగర పంచాయతీ స్థానాల్లో గెలిచిన అభ్యర్థులతో కర్నూల్ జిల్లా పార్టీ స్థితిగతుల పై సమీక్ష సమావేశం నిర్వహించారు. నంద్యాల పార్లమెంట్ పరిధిలో టీడీపీ కార్యకర్తలు, నాయకులు సమిష్టిగా పోరాడి… గట్టిపోటీ ఇచ్చారని, ఇందుకు నంద్యాల పార్లమెంట్ అధ్యక్షుడు గౌరు వెంకట రెడ్డి కృషి అభినందనీయమన్నారు.
పార్లమెంట్ పరిధిలో ఎక్కడ ఏ సమస్య వచ్చినా ప్రజలు, కార్యకర్తలు గౌరు వెంకట రెడ్డిని సంప్రదించి… పరిష్కరించుకోవాలని సూచించారు. రానున్న సార్వత్రిక ఎన్నికల్లో టీడీపీ విజయం సాధించడం ఖాయమన్నారు. వైసీపీ ప్రభుత్వం అమలు చేస్తున్న ప్రజా , కార్మిక, ఉద్యోగ, రైతుల వ్యతిరేక విధానాలను ప్రజల్లోకి తీసుకెళ్లి… పూర్తిస్థాయిలో అవగాహన కల్పించాలన్నారు. సమావేశం అనంతరం జిల్లా నుండి యువత టిడిపి కండువా కప్పుకున్నారు. ఈ కార్యక్రమంలో డోన్ టిడిపి ఇన్ఛార్జి మన్నే సుబ్బారెడ్డి, కర్నూలు జిల్లా ఇన్చార్జి మాజీ ఎమ్మెల్యే ప్రభాకర్ చౌదరి, తెలుగు యువత సభ్యులు పాల్గొన్నారు.