ఆ బ్యారేజీకి గౌతమ్ రెడ్డి పేరు.. జగన్ భావోద్వేగం
1 min read
ప‌ల్లెవెలుగువెబ్ : ఆంధ్రప్రదేశ్ అసెంబ్లీ వేదికగా సీఎం వైఎస్ జగన్ మోహన్ రెడ్డి కీలక ప్రకటన చేశారు. శ్రీ పొట్టి శ్రీరాములు నెల్లూరు జిల్లాలో నిర్మిస్తున్న సంగం బ్యారేజీకి మేకపాటి గౌతమ్ రెడ్డి పేరు పెడతామని సీఎం ప్రకటించారు. ఇప్పటికే 84 శాతానికి పైగా పనులు పూర్తయిన ఈ ప్రాజెక్ట్‌ను ఆరు వారాల్లోనే పూర్తి చేస్తామని స్పష్టం చేశారు. ఈ సందర్భంగా గౌతమ్ గురించి మాట్లాడుతూ జగన్ తీవ్ర భావోద్వేగానికి లోనయ్యారు. ‘గౌతమ్ అకాల మరణాన్ని జీర్ణించుకోలేకపోతున్నాం. గౌతమ్ లేని లోటు పూడ్చలేనిది. గౌతమ్‌రెడ్డి నాకు చిన్నప్పట్నుంచి మంచి స్నేహితుడు. అలాంటి మిత్రుడిని కోల్పోవడం బాధాకరం. చాలా సందర్భాల్లో గౌతమ్‌రెడ్డి నాకు అండగా నిలబడ్డారు. ఆయన బాధ్యతలను సమర్ధవంతంగా నిర్వర్తించారు. ఏపీకి కొత్త కంపెనీలు రావడంలో గౌతమ్‌రెడ్డి కీలక పాత్ర పోషించారు` అని అన్నారు.
About Author
