ఆర్టీసీ ప్రయాణీకుల‌కు గుడ్ న్యూస్
1 min read
పల్లెవెలుగు వెబ్ : ఏపీఎస్ఆర్టీసీ కీల‌క నిర్ణయం తీసుకుంది. ప్రయాణీకుల‌కు శుభ‌వార్త చెప్పింది. క్రిస్మస్, సంక్రాంతి సంద‌ర్భంగా అడ్వాన్స్‌డ్‌ రిజర్వేషన్‌ సౌకర్యాన్ని ఆర్టీసీ విస్తరించింది. 60 రోజుల ముందుగానే ప్రయాణికులు సీట్లు రిజర్వేషన్‌ చేసుకునేందుకు అవకాశం కల్పించింది. ప్రస్తుతం ఆర్టీసీలో 30 రోజుల ముందుగా సీట్లు రిజర్వేషన్‌ చేసుకునేందుకు అవకాశం ఉంది. కాగా, పండుగల రద్దీని దృష్టిలో ఉంచుకుని 60 రోజుల ముందుగా సీట్లు రిజర్వేషన్‌ చేసుకునేందుకు అవకాశం కల్పించాలని ఆర్టీసీ నిర్ణయించింది. దూర ప్రాంతాలకు వెళ్లి వచ్చే ప్రయాణికులకు మరింత సౌలభ్యం కల్పించేందుకు ఈ నిర్ణయం తీసుకుంది. ఆర్టీసీ నిర్ణయంతో ప్రయాణీకులు సంతోషం వ్యక్తం చేస్తున్నారు. దూర‌ప్రాంత ప్రయాణీకుల‌కు ఈ నిర్ణయం ఎంతో ఉప‌యోగ‌ప‌డుతోంద‌ని అంటున్నారు.
About Author
