గురువే.. దైవం..
1 min read
మెడికల్ కళాశాలలో ఘనంగా ఉపాధ్యాయ దినోత్సవం
- ప్రొఫెసర్లను సన్మానించిన మెడికల్ విద్యార్థులు
కర్నూలు, పల్లెవెలుగు: భావితరాల భవితను తీర్చిదిద్దగల ఏకైక వ్యక్తి ఉపాధ్యాయుడేనని, అటువంటి వ్యక్తిని పూజిస్తే.. సత్ఫలితాలు సాధించగలరని మెడికల్ విద్యార్థులు, వైద్యులు యువతకు సూచించారు. సర్వేపల్లి రాధాకృష్ణ జన్మదినం సందర్భంగా గురువారం ఉపాధ్యాయ దినత్సవాన్ని మెడికల్ కళాశాలలని కార్డియాలజి విభాగంలో ఘనంగా నిర్వహించారు. ఈ సందర్భంగా ప్రొఫెసర్, కార్డియాలజి విభాగాధిపతి డా. చంద్రశేఖర్ తో పీజీ విద్యార్థులు కేక్ కట్ చేయించారు. అనంతరం డా. చంద్రశేఖర్ను ఘనంగా సన్మానించారు. ఈ సందర్భంగా డా. చంద్రశేఖర్ మాట్లాడుతూ తల్లిదండ్రుల తరువాత విద్యార్థులను భావిభారత పౌరులుగా తీర్చిదిద్దేది ఉపాధ్యాయులేనన్నారు. ఉపాధ్యాయుల సేవలు వెలకట్టలేవని, వారిని ఎప్పుడూ మరవరాదన్నారు. ఉత్తమంగా చదివి… భావి భారత వైద్యులుగా మారి… పేదలకు వైద్య సేవలు అందించాలని ఈ సందర్భంగా ప్రొఫెసర్ డా. చంద్రశేఖర్ సూచించారు. కార్యక్రమంలో మెడికల్ కళాశాల పోస్టు గ్రాడ్యుయేట్స్ సత్ కుమార్, మహేష్, నవాజ్, శ్రీకాంత్, అసిస్టెంట్ ప్రొఫెసర్ ప్రశాంత్ , డా. బిందు, డా. రవి తదితరులు పాల్గొన్నారు.
About Author
