‘పల్లెవెలుగు’తోంది….!
1 min read
వాస్తవాలు రాసే ‘మీడియా’.. ఆధునిక టెక్నాలజీని ఉపయోగించుకోవాలి
- జివిఆర్ చిన్నపిల్లల ఆస్పత్రి ఎండి డా. భువనేశ్వరి
కర్నూలు, పల్లెవెలుగు: ప్రజాక్షేత్రంలో అవినీతిని ఎండగడుతూ…ఎప్పటికప్పుడు వార్తలు తెలియజేసే మీడియారంగం.. ఆధునిక టెక్నాలజీని ఉపయోగించుకొని… మరింత ముందుకు వెళ్లాల్సిన అవసరం ఎంతైనా ఉందన్నారు జీవీఆర్ చిన్నపిల్లల ఆస్పత్రి ఎండి. డాక్టర్ భువనేశ్వరి. స్థానిక ఎన్ఆర్పేటలోని జీవీఆర్ చిన్న పిల్లల ఆస్పత్రిలో బుధవారం ‘పల్లెవెలుగు’ దినపత్రిక నూతన క్యాలెండర్ 2024ను ఆమె ఆవిష్కరించారు. ఈ సందర్భంగా చిన్నపిల్లల వైద్య నిపుణురాలు డా. భువనేశ్వరి మాట్లాడుతూ ప్రజలకు.. ప్రభుత్వానికి వారధిగా నిలిచిన మీడియా రంగం… తప్పులను నిర్భయంగా రాయాలని సూచించారు. నగరంలో కొన్నేళ్లుగా ప్రజలకు సేవ చేస్తున్నామన్నారు. ఓ వైపు ఆస్పత్రిలో వైద్య సేవలు చేస్తూనే…మరో వైపు అనాథలకు పండ్లు, బ్రెడ్లు, దుప్పట్లు, దుస్తులు అందజేశామని ఈ సందర్భంగా ఆమె గుర్తు చేశారు. 36 సంవత్సరాలుగా ఆస్పత్రిలో చిన్న పిల్లలకు ప్రత్యేక వైద్య సదుపాయలతోపాటు మెరుగైన వైద్య సేవలు అందజేస్తున్నామని ఈ సందర్భంగా జీవీఆర్ చిన్నపిల్లల ఆస్పత్రి ఎండి. డాక్టర్ భువనేశ్వరి వెల్లడించారు.
About Author
