తితిదే పాలకవర్గంలో ఏపీప్రభుత్వానికి హైకోర్టు షాక్!
1 min read
పల్లెవెలుగువెబ్, అమరావతి: రాష్ట్ర ప్రభుత్వం తిరుమల తిరుపతి పాలకవర్గంలో నియమించిన ప్రత్యేక ఆహ్వానితులు ఎందుకని, సదరు నియామక జీవోను హైకోర్టు బుధవారం జరిపిన విచారణలో సస్పెండ్ చేసింది. రాష్ట్ర ప్రభుత్వం ఈనెల 15న తితిదే పాలకవర్గం నియామక ప్రక్రియలో జీవోనెం.245 ప్రకారం 25మందితోకూడిన పాలకవర్గాన్ని నియమించిన విషయం తెలిసిందే. అలాగే జీవోనెం.568కింద మరో 50మందిని పాలకవర్గంలో ప్రత్యేక ఆహ్వానితులుగా నియమించింది. ఈక్రమంలో ప్రత్యేక ఆహ్వానితుల నియామకంపై బీజేపీ, టీడీపీలు సవాల్ చేస్తూ హైకోర్టు వెళ్లాయి. దీంతో బుధవారం ఈ అంశంపై విచారణ జరిపిన హైకోర్టు సదరు జీవోను సస్పండ్ చేస్తూ మధ్యంతర ఉత్తర్వులు జారీ చేసింది. తదుపరి విచారణను నాలుగు వారాలకు వాయిదా వేసింది. దీంతో హైకోర్టు తితిదే పాలకవర్గ నియామక తీరుపై ప్రభుత్వానికి షాకిచ్చినట్లయింది.
About Author
