మతం కన్నా మానవత్వమే మిన్న
1 min read
– శ్రీశైలం పాదయాత్రికులకు ఉచిత అన్నదానం…పస్పిల్ మున్నా
పల్లెవెలుగు వెబ్ ఆత్మకూరు: మతం కన్నా మానవత్వమే మిన్న అని శ్రీశైలం నియోజకవర్గ తెలుగుయువత ప్రధాన కార్యదర్శి పస్పిల్ మున్నా అన్నారు. ఉగాది పండుగను పురస్కరించుకొని శ్రీశైలం పుణ్యక్షేత్రానికి కాలినడకన వెల్లే,శివ స్వాములకు, భక్తులకు శ్రీశైలం నియోజక వర్గం తెలుగు దేశం పార్టీ ఇంచార్జి,మాజీ ఎమ్మెల్యే బుడ్డా రాజశేఖర్ రెడ్డి సహకారంతో పస్పిల్ మున్నా అధ్వర్యంలో ఉచిత అన్నదాన కార్యక్రమం నిర్వహించారు. ఆత్మకూరు పట్టణంలో శ్రీశైలం వెళ్ళే ప్రధాన రహదారి సిద్దపల్లే రాస్తా సమీపంలో వున్న స్పోర్ట్స్ క్లబ్ కార్యాలయం నందు అన్నదానం కార్యక్రమంను ఆత్మకూర్ స్పోర్ట్స్ క్లబ్ గౌరవాద్యక్షులు రేడియం నూర్, తెలుగుయువత రాష్ట్ర కార్యదర్శి రేణుక ప్రసాద్, తెలుగు దేశం పార్టీ ఆత్మకూరు పట్టణ అద్యక్షుడు వేణు గోపాల్,టీడీపీ పట్టణ ప్రధాన కార్యదర్శి అబ్దుల్లాపురం బాషా,ఆత్మకూర్ మండల తెలుగుయువత అధ్యక్షులు శ్రీకాంత్ గౌడ్ ప్రారంభించారు . ఈ సందర్భంగా వారు మాట్లాడుతూ శ్రీశైలం నియోజక వర్గం తెలుగు దేశం పార్టీ అధ్యక్షుడు ,మాజీ ఎమ్మెల్యే బుడ్డా రాజశేఖర్ రెడ్డి సహకారం మరువలేనిదని అన్నారు.ఆత్మకూరు పట్టణం అన్ని మతాల సమ్మేళనం అని కులం,మతం కన్నా మంచి చెడు అనే అంశాలే ప్రధానం అని అన్నారు.సాటి మనిషిని మనిషిగా ప్రేమించి లేని మతం ఎందుకని ప్రశ్నించారు.మనుషులంతా ఒక్కటే అని మానవత్వమే మనిషి మనుగడకు పరమార్థం అని తెలిపారు.దేవుళ్ళు ఎందర వున్నా మానవ జాతి ఒక్కటే అని అన్నారు.ప్రతి సంవత్సరం శ్రీశైలం వెళ్ళే భక్తులకు తమ వంతు సహకారం అందించడం పట్ల సంతోషంగా వుందనీ తెలిపారు. నియోజక వర్గం పరిధిలో ప్రజా హిత కార్యక్రమాలలో మాజీ ఎమ్మెల్యే బుడ్డా రాజశేఖర్ రెడ్డి సహకారం అందించడంలో ముందుంటారనీ పేర్కొన్నారు. ఈ కార్యక్రమంలో ఆత్మకూర్ స్పోర్ట్స్ క్లబ్ సహాయ కార్యదర్శి ఆసీఫ్ బేగ్, టీడీపీ పార్టీ ఎస్సీ సెల్ నియోజకవర్గ కార్యదర్శి నాగరత్నం,5 వ వార్డు ముఖ్యనాయకులు ఖాజామోద్దీన్, ముజ్జు, ఏసీ నూర్ బేగ్, శ్రీశైలం వెళ్లే భక్తులు తదితరులు పాల్గొన్నారు.
About Author
