వంశపారంపర్య అర్చకులుగా గుర్తించండి
1 min read
పల్లెవెలుగు వెబ్, మహానంది: వంశపారంపర్య అర్చకులుగా గుర్తించాలని కొందరు అర్చకులు మహానంది దేవస్థానం ఈఓ గంజి మల్లికార్జున ప్రసాద్ను కోరారు. కర్నూలు జిల్లా మహానంది పుణ్యక్షేత్రంలో వంశపారంపర్య అర్చకులుగా గుర్తించాలని కోరుతూ కొందరు అర్చకులు దరఖాస్తు చేశారు. తమ పూర్వీకులు ఎన్నో ఏళ్ల నుంచి స్వామి అమ్మవార్లకు సేవ చేశారని, వారి కుటుంబ సభ్యులైన తమకు దేవస్థానం అర్చకులుగా గుర్తించాలని కోరారు. ఈ విషయంపై ఆలయం ఈఓ మల్లికార్జున ప్రసాద్ను ప్రశ్నించగా.. పూర్వీకుల అర్చకుల కుటుంబ సభ్యుల వివరాలు సేకరించి… నివేదికను ఎండోమెంట్ కమిషనర్కు పంపుతామన్నారు. దేవస్థానం ఏఈఓ మధు మాట్లాడుతూ విచారించి ప్రభుత్వ ఆదేశాలనుసారం నిర్ణయం తీసుకుంటామని పేర్కొన్నారు. ఇప్పటికే కొన్ని ఆలయాల్లో అర్చకులు వంశపారంపర్య అంశంపై దరఖాస్తు చేశారని అది ఉన్నతాధికారుల పరిశీలనలో ఉన్నట్లు పేర్కొన్నారు.
About Author
