ఏఎన్ఎం ల పై పనిభారం తగ్గించకపోతే.. ఉద్యమమే…: సీఐటీయూ

పల్లెవెలుగు కడప /రాయచోటి : రాష్ట్రవ్యాప్తంగా మెగా వ్యాక్సినేషన్ డ్రైవ్ పేరుతో వైద్య ఆరోగ్య శాఖలో పని చేస్తున్న ఏఎన్ఎంలపై పని భారం పెరిగిందని, వారి ఆరోగ్యం దృష్టిలో పెట్టుకుని వెంటనే పనిభారం తగ్గించాలని డిమాండ్​ చేశారు సిఐటియు రాష్ట్ర కౌన్సిల్ సభ్యులు ఎ. రామమోహన్, సీఐటీయూ కడప జిల్లా కార్యదర్శి అబ్బవరం రామాంజులు. ఆదివారం కడప నగరంలోని సీఐటీయూ జిల్లా కార్యాలయంలో ఏర్పాటు చేసిన విలేకరుల సమావేశంలో వారు మాట్లాడుతూ జిల్లాలో 1200 మంది ఏఎన్​ఎంలు పట్టణ, గ్రామీణ ప్రాంతాల్లో విధులు నిర్వర్తిస్తున్నారని, కానీ ఏఎన్​ఎంలను పనిభారంతో వేధింపులకు గురి చేస్తున్నారని ఆరోపించారు. రాయచోటి మున్సిపల్ కమిషనర్ రాత్రి 9:30 గంటల తర్వాత కూడా వాక్షిన్ వేసేలా ఒత్తిడి తీసుకువస్తున్నారని, వ్యాక్సినేషన్ కేటాయింపు కూడా జనాభాకు అనుగుణంగా ఉండటం లేదన్నారు. ఉదయం 7 గంటల నుండి రాత్రి 9:30 గంటల వరకు వాక్షిన్ కొనసాగించేలా చేయటం సమంజసం కాదని వారన్నారు. వ్యాక్సిన్​ వేసేందుకు ఏఎన్ఎంలు సిద్ధంగా ఉన్నారని , కానీ ప్రజలు ఆ మేరకు సహకారం అందించాల్సిన అవసరం ఉందన్నారు. సీఎం వైఎస్​ జగన్మోహన్ రెడ్డి జోక్యం చేసుకుని ఏఎన్ ఎం ల పై పనిభారం తగ్గించేలా చూడాలని వారు విజ్ఞప్తి చేశారు.

About Author

PALLEVELUGU

See author's posts