వారు చెయ్యెత్తితే.. ఎప్పుడైన, ఎక్కడైన బ‌స్సు ఆపాల్సిందే !
1 min read
ప‌ల్లెవెలుగు వెబ్ : సిటి బ‌స్సుల్లో ప్రయాణించే మ‌హిళా ప్రయాణీకుల‌కు టీఎస్ఆర్టీసీ కొత్త వెసులుబాటు క‌ల్పించింది. మ‌హిళ‌లు రాత్రి 7.30 నిమిషాల తర్వాత ఎక్కడ చెయ్యెత్తి బ‌స్సు ఆపినా.. దిగాల‌న్న చోట దిగినా.. బ‌స్సు ఆపాల‌ని టీఎస్ ఆర్టీసీ స్పష్టం చేసింది. మంగ‌ళ‌వారం నుంచి ఇది అమ‌లు కానున్నట్టు గ్రేట‌ర్ జోన్ ఈడీ వెంక‌టేశ్వర్లు తెలిపారు. ముఖ్యమైన బ‌స్టాప్ ల‌లో రాత్రి 10 వ‌ర‌కు బ‌స్సులు ఉండేలా చ‌ర్యలు తీసుకున్నారు. ఏపీ ఉద్యోగుల‌కు ప్రత్యేక ఇంట‌ర్ సిటీ ఎక్స్ ప్రెస్ రైలు పున‌రుద్దరించ‌డంతో పాటు… ప్రయాణీకుల సౌక‌ర్యార్థం సిటి బ‌స్సులు కూడ అందుబాటులో ఉంచ‌నున్నట్టు ఈడీ వెంక‌టేశ్వర్లు తెలిపారు. టీఎస్ ఆర్టీసీ క‌ల్పించిన ఈ సౌక‌ర్యంలో మహిళ‌ల‌కు ఇబ్బంది క‌లిగితే.. 9959226160, 9959226154 నంబ‌ర్ల‌కు కాల్ చేయాల‌ని చెప్పారు.
About Author
