కనీస వేతనాలు అడిగితే… అరెస్టులా… : ఏఐటీయూసీ
1 min read
పల్లెవెలుగు వెబ్: కనీస వేతనాలు చెల్లించాలని, ఉద్యోగ భద్రత కల్పించాలన్న డిమాండ్లతో రాష్ట్ర వ్యాప్త ధర్నాకు బయలుదేరుతున్న ఆశా, అంగన్వాడీ, మధ్యాహ్నభోజన కార్మికులు, కార్మిక నాయకులను హౌస్ అరెస్టు చేయడం దారుణమన్నారు అంగన్వాడీ టీచర్స్ అండ్ హెల్పర్స్ అసోసియేషన్ ఏఐటీయూసీ నాయకులు సీతామహాలక్ష్మి. ఆదివారం కర్నూలు, నంద్యాల, డోన్, ఆదోని, ఎమ్మిగనూరు తదితర ప్రాంతాల్లోని అంగన్వాడీ, ఆశా, కార్మిక నాయకులను ధర్నాకు వెళ్లకుండా పోలీసులు హౌస్ అరెస్టు చేశారు. ఈ సందర్భంగా సీతామహాలక్ష్మి మాట్లాడుతూ పాదయాత్రలో భాగంగా ఇచ్చిన హామీలను నెరవేర్చలేని సీఎం వైఎస్ జగన్మోహన్ రెడ్డి… ఇప్పుడు ప్రశ్నించే గొంతుకను అణిచి వేస్తున్నారని ధ్వజమెత్తారు. డిమాండ్లు నెరవేర్చేంత వరకు పోరాడుతామన్నారు. ఈ నెల 14న ఏఐటీయూసీ అనుబంధ సంస్థ అంగన్వాడీ వర్కర్స్ అసోసియేషన్ ఆధ్వర్యంలో ధర్నా చేపడతామని ఈ సందర్భంగా నాయకురాలు సీతామహాలక్ష్మి స్పష్టం చేశారు.
About Author
