ఎలక్ట్రిక్ వాహ‌నం కొంటే.. 3 లక్షల వరకు ప్రోత్సాహ‌కం !
1 min read
ప‌ల్లెవెలుగువెబ్ : ప‌్ర‌ముఖ వ్యాపార సంస్థ జేఎస్ డ‌బ్ల్యూ గ్రూప్ తమ సంస్థ ఉద్యోగుల‌కు ఆఫ‌ర్ ప్ర‌క‌టించింది. ఎలక్ట్రిక్ వాహనాల కొనుగోలు పై ప్రోత్సాహ‌కాలు ఇవ్వ‌నున్న‌ట్టు తెలిపింది. 2022 జనవరి 1 నుంచి ఈ కొత్త ఈవీ పాలసీ అమల్లోకి రానుంది. తమ ఉద్యోగులను ఎలక్ట్రిక్ వాహనాలను ప్రోత్సహించడమే లక్ష్యంగా కంపెనీ పెట్టుకుంది. కొత్త ఈవీ పాలసీతో నాలుగు చక్రాల వాహనాలు, అలాగే ద్విచక్ర వాహనాలు కొనుగోలు చేయడానికి రూ. 3 లక్షల వరకు జేఎస్‌డబ్ల్యూ ప్రోత్సాహకాలను అందించనుంది. వీటితో పాటుగా ఉద్యోగుల కోసం అన్ని జేఎస్‌డబ్ల్యూ కార్యాలయాలు , ప్లాంట్లల్లో ఎలక్ట్రిక్ వాహనాల కోసం ఉచిత ఛార్జింగ్ స్టేషన్లను, గ్రీన్ జోన్‌ పార్కింగ్ స్లాట్లను కూడా ఏర్పాటుచేయనుంది.
About Author
