రావ‌ణుడి క‌థ తెలియాలంటే ‘ సుల్తాన్ ’ చూడాలి..!
1 min read
త‌మిళ హీరో కార్తీ, ర‌ష్మిక మ‌డొన్న హీరో హీరోయిన్లుగా న‌టిస్తున్న చిత్రం ‘సుల్తాన్’. ఈ చిత్రం త్వర‌లో ప్రేక్షకుల ముందుకు రానుంది. ఈ నేప‌థ్యంలో బుధ‌వారం ఈ సినిమా ట్రైల‌ర్ విడుద‌ల చేశారు. ట్రైల‌ర్ కు అద్భుత‌మైన స్పంద‌న రావ‌డంతో సినిమా మీద ఆస‌క్తి పెరిగింది. ఈ చిత్రం ఏప్రిల్ 2న థియేట‌ర్లలో సంద‌డి చేయ‌బోతోంది. బ‌క్కియ‌రాజ్ క‌ణ్ణన్ ద‌ర్శకుడు. య‌స్.ఆర్. ప్రకాష్ బాబు, య‌స్.ఆర్. ప్రభు ఈ చిత్రాన్ని నిర్మిస్తున్నారు. తెలుగు, త‌మిళ భాష‌ల్లో ఏక కాలంలో ఈ చిత్రం తెరకెక్కుతోంది. ర‌ష్మిక మ‌డొన్న ప‌ల్లెటూరి అమ్మాయి పాత్రలో న‌టిస్తోంది. ఈ సినిమాలో ర‌ష్మిక పాత్ర కీల‌క‌మైన‌దిగా ట్రైల‌ర్ చూస్తే అనిపిస్తోంది. “ఒక ఊళ్లో వంద మంది రౌడీలు. వారంద‌రికి ఒక్కడు నాయ‌కత్వం వ‌హిస్తాడు. అందుకే వాడిని వంద త‌ల‌ల రావ‌ణుడు అంటారు. ఆ రావ‌ణుడి క‌థ తెలియాలంటే ‘ సుల్తాన్ ’ సినిమా చూడాల్సిందే అంటున్నారు చిత్ర బృందం.
About Author
