డోన్లో.. కర్ణాటక మద్యం పట్టివేత…
1 min read
పల్లెవెలుగు వెబ్, డోన్: కర్నూలు జిల్లా డోన్ నియోజకవర్గం యు. కొత్తపల్లి ప్రాంతంలో శనివారం తెల్లవారు జామున 2 గంటలకు ఎస్ఐ సురేష్ సిబ్బందితో కలిసి భారీగా కర్ణాటక మద్యం పట్టుకున్నారు. మద్యం విలువ రూ.4.5లక్షలు ఉంటుంది. శనివారం ఉదయం డోన్ రూరల్ పోలీస్ స్టేషన్ ఆవరణలో ఏర్పాటు చేసిన విలేకరుల సమావేశంలో డీఎస్పీ శ్రీనివాస్ రెడ్డి మాట్లాడారు. తెల్లవారు జామున ట్రావెలింగ్ బస్సులో బెంగుళూరు నుంచి సూపర్ సంచుల్లో కర్ణాటక మద్యం వస్తున్నట్లు సమాచారం రావడంతో రూరల్ ఎస్ఐ సురేష్, సిబ్బంది కలిసి దాడి చేశారు. మద్యంను ఆటోలో ఎత్తుతుండగా పట్టుకున్నారు.
ఇందులో ఎయిట్ పీఎం 50 ఫుల్ బాటిల్, 50 బాక్సులు టేట్రా క్వోటర్ బాటిల్ ఉన్నాయని, వీటి విలువ రూ.4.5 లక్షలు ఉంటుందని వివరించారు. ఆటోను సీజ్ చేసి, రహింతుల్లా అనే వ్యక్తిని అదుపులోకి తీసుకున్నారు. అతడి బావ దస్తగిరి బెంగుళూరులో మధ్యవర్తి ద్వారా సరుకు రవాణా చేస్తున్నట్లు విచారణలో తెలిసింది. ప్రస్తుతం దస్తగిరి పరారీలో ఉన్నాడు. ఇన్ఫర్మేషన్ గ్యాదర్ చేసి పట్టుకున్న ఎస్సై సురేష్ మరియు వారి బృందానికి ఎస్పీ ద్వారా రివార్డ్ ఇస్తున్నట్లు డీఎస్పీ శ్రీనివాస రెడ్డి వెల్లడించారు.
About Author
