బాలయ్య చేతులమీదుగా..
1 min read
సినిమా డెస్క్ : నటిగానే కాకుండా కొరియోగ్రాఫర్ గా ప్రొడక్షన్ డిజైనర్ మరియు కాస్ట్యూమ్ డిజైనర్ గా ‘నృత్యం’ సినిమాతో అరంగేట్రం చేస్తున్నారుకూచిపూడి డ్యాన్సర్ సంధ్య రాజు. రేవంత్ కొరుకొండ ఈ చిత్రానికి దర్శకుడు. నిష్రింకాల ఫిల్మ్స్ బ్యానర్ పై ఈ చిత్రం రూపొందుతోంది. ఇప్పటికే విడుదలైన ‘ నాట్యం’ ఫస్ట్ లుక్ – టీజర్ మంచి బజ్‌ తెచ్చుకున్నాయి. ఈ క్రమంలో చిత్రంలోని ‘ నమః శివాయ’ అనే మొదటి గీతాన్ని నటసింహం నందమూరి బాలకృష్ణ ఆవిష్కరించి చిత్ర బృందానికి శుభాకాంక్షలు తెలియజేశారు. ఈ సందర్భంగా బాలకృష్ణ మాట్లాడుతూ.. ”నిశ్రింకల ఫిల్మ్స్ నిర్మాత సంధ్య రాజు – దర్శకుడు రేవంత్ కోరుకొండ మరియు నా సోదరుడు కమల్ కామరాజు కు నా శుభాకాంక్షలు. నేను ప్రాతినిధ్యం వహిస్తున్న హిందూపూర్ నియోజకవర్గంలోని పురాతన లేపాక్షి ఆలయ ప్రాంగణంలో ‘నమః శివాయ’ పాటను చిత్రీకరించినందుకు సంతోషంగా ఉంది. భారతదేశం కళల భూమి. విభిన్న కళా రూపాలకు చెందిన అనేక మంది కళాకారులు భారతదేశాన్ని గొప్ప దేశంగా మార్చారు. ఈ సినిమా ఎంత అందంగా ఉండబోతుందో ఈ ఒక్క పాట ద్వారా తెలుస్తుంది. అన్ని పాజిటివ్ వైబ్ లతో ఈ సినిమా ఖచ్చితంగా పెద్ద హిట్ అవుతుంది. యాదృచ్ఛికంగా నేను నా ‘అఖండ’ చిత్రంలో అఘోరాగా నటిస్తున్నాను. ‘నాట్యం’ చిత్ర బృందానికి నా శుభాకాంక్షలు మరియు దీవెనలు” అని అన్నారు.
నమః శివాయ’ పాటకు శ్రావణ్ బరద్వాజ్ అద్భుతమైన బాణీలు సమకూర్చారు. సింగర్స్ కాల భైరవ – లలిత కావ్య కలిసి ఈ గీతాన్ని ఆలపించారు.
About Author
