విజయ్ సేతుపతి స‌మ‌క్షంలో.. అసిస్టెంట్ పై దాడి !
1 min read
పల్లెవెలుగు వెబ్:విల‌క్షణ న‌టుడు విజయ్ సేతుపతి స‌హాయ‌కుడి పై దాడి జ‌రిగింది. విజయ్ సేతుపతి స‌మ‌క్షంలోనే ఈ దాడి జ‌ర‌గ‌డంతో ఆయ‌న అవాక్కయ్యారు. ఇటీవ‌ల క‌న్నుమూసిన క‌న్నడ హీరో పునీత్ రాజ్ కుమార్ కుటుంబాన్ని ప‌రామ‌ర్శించేందుకు ఆయ‌న బెంగ‌ళూరు వ‌చ్చారు. భ‌ద్రతా సిబ్బంది స‌హాయంతో ఎయిర్ పోర్ట్ నుంచి బ‌య‌ట‌కు వెళ్తుండ‌గా.. విజయ్ సేతుపతి ప‌క్కనే వెళ్తున్న ఆయ‌న స‌హాయ‌కుడిపై ఓ వ్యక్తి ఎగిరి త‌న్నాడు. ఈ వీడియో సోష‌ల్ మీడియాలో వైర‌ల్ గా మారింది. అప్రమ‌త్తమైన భ‌ద్రతా సిబ్బంది ఆ వ్యక్తిని వెన‌క్కి లాగి.. అదుపులోకి తీసుకున్నారు. ఘ‌ట‌న‌కు కొద్దిసేప‌టి ముందు విజయ్ సేతుపతి స‌హాయ‌కుడితో .. మ‌ద్యం మ‌త్తులో ఉన్న దాడి చేసిన వ్యక్తి వాగ్వాదానికి దిగార‌ని ప్రత్యక్ష సాక్షులు చెబుతున్నారు. ఈ నేప‌థ్యంలోనే దాడి చేసి ఉండ‌వ‌చ్చని స‌మాచారం. అనంత‌రం ఆ వ్యక్తి క్షమాప‌ణ చెప్పార‌ని చెబుతున్నారు.
About Author
