గ్రంథాలయ వారోత్సవాల గోడ పత్రిక ఆవిష్కరణ

జిల్లా జాయింట్ కలెక్టర్ పి.అరుణ్ బాబు
పల్లెవెలుగు, వెబ్​ ఏలూరు: 55వ జాతీయ గ్రంథాలయ వారోత్సవాలు ఉమ్మడి పశ్చిమ గోదావరి జిల్లాలోని జిల్లా గ్రంథాలయంలో నవంబరు 14వ తేదీ నుండి నవంబరు 20వ తేదీ వరకు 7 రోజులు పాటు జరుగు 55వ జాతీయ గ్రంథాలయ వారోత్సవాల గోడ పత్రికను బుధవారం కలెక్టరేట్ లోని గౌతమి సమావేశ మందిరంలో జిల్లా జాయింట్ కలెక్టర్ పి. అరుణ్ బాబు ఆవిష్కరించారు. ఈ సందర్బంగా జిల్లా గ్రంథాలయ సంస్ధ కార్యదర్శి యం.శేఖర్ బాబు మాట్లాడుతూ 55వ జాతీయ గ్రంథాలయ వారోత్సవాలు ఉమ్మడి పశ్చిమ గోదావరి జిల్లాలోని జిల్లా కేంద్ర గ్రంథాలయంతోపాటు 73 శాఖా గ్రంథాలయంలలో 7 రోజులు పాటు వారోత్సవాలు ఘనంగా నిర్వహించడానికి ఏర్పాట్లు చేసినట్లు తెలిపారు. ఈ వారం రోజులలో వివిధ సాంస్కృతిక కార్యక్రమాలు,వివిధ అంశాలపై అవగాహన కార్యక్రమాలు ఉదయం, సాయంత్రం నిర్వహించడం జరుగుతుందని తెలిపారు. ఈ కార్యక్రమంలో వివిధ పాఠశాలల విద్యార్ధినీ, విద్యార్దులకు వకృత్వ, చిత్రలేఖనం తదితర అంశాలలో పోటీలు నిర్వహించడం జరుగుతుందని తెలిపారు. ఈ కార్యక్రమంలో డి ఆర్వో సత్యనారాయణమూర్తి, డిఆర్డిఏ పిడి విజయరాజు, వేణుగోపాలరావు, డిపిఓ బాలాజీ, డిప్యూటీ లైబ్రేరియన్ ఎ. నారాయణరావు, ఏపీ ట్రాన్స్కో ఎస్సీ శ్యాంబాబు, డి ఎం హెచ్ వో రవి,వ్యవసాయ శాఖ జెడి రామకృష్ణ, వివిధ వివిధ జిల్లా స్థాయి అధికారులు గ్రంథాలయ సిబ్బంది తదితరులు పాల్గొన్నారు.

About Author

PALLEVELUGU

See author's posts