ఆ 26 కులాలను…‘బీసీ’లోనే చేర్చండి..
1 min read
తెలంగాణ రాష్ట్ర గవర్నర్ తమిళిసై సౌందరరాజన్కు వినతిపత్రం అందజేసిన బీజేపీ నేతలు
హైదరాబాద్:ఉమ్మడి ఆంధ్రప్రదేశ్లో బీసీలుగా పరిగణింపబడే 26 కులాలను.. తెలంగాణ ప్రభుత్వం బీసీ జాబితా నుంచి తొలగించడం అన్యాయమని, ఆ కులాల వారిని మళ్లీ బీసీలోనే చేర్చాలని గురువారం బీజేపీ నేతలు తెలంగాణ గవర్నర్ తమిళిసై సౌందరరాజన్కు వినతిపత్రం అందజేశారు. బీసీ జాబితా నుంచి తొలగించడం వల్ల ఆ 26 కులాల వారు ఆర్థికంగా, సామాజికంగా, రాజకీయంగా నష్టపోయే అవకాశం ఉంటుందని గవర్నర్కు వెల్లడించారు. ఈ సమస్యపై గవర్నర్ సానుకూలంగా స్పందించారు. గవర్నర్ను కలిసిన వారిలో ఓబీసీ మోర్చా జాతీయ అధ్యక్షుడు డా.లక్ష్మణ్, ఏపీ శాసన మండలి సభ్యుడు మాధవ్, బీజేపీ ఓబీసీ మోర్చా జాతీయ కార్యదర్శి డా. పార్థసారథి తదితరులు ఉన్నారు.
About Author
