పెంచిన పెట్రోల్, డీజిల్ ధరలు తగ్గించాలి
1 min read
పల్లెవెలుగు వెబ్, ఆస్పరి: కరోన విపత్కర సమయంలో పేదలను ఆదుకోవడంలో కేంద్ర, రాష్ట్ర ప్రభుత్వాలు విఫలమయ్యాయని సీపీఐ పట్టణ కార్యదర్శి కృష్ణమూర్తి ఆగ్రహం వ్యక్తం చేశారు. పెంచిన పెట్రోల్, డీజిల్, నిత్యావసర ధరలు తగ్గించాలని డిమాండ్చేస్తూ శుక్రవారం సీపీఐ ఆధ్వర్యంలో నిరసన చేపట్టారు. ఈ సందర్భంగా కృష్ణమూర్తి మాట్లాడుతూ కేంద్ర ప్రభుత్వం ఒకే నెలలో 17 సార్లు పెట్రోల్,డీజిల్ ధరలు పెంచిందని, దీంతో నిత్యావసర ధరలు ఆకాశాన్నంటాయన్నారు. లీటరు పెట్రోల్ ధర వందకు పైగా ఉంటే…కందిపప్పు, నూనె, కూరగాయల రేట్లు విపరీతంగాపెరిగి..సామాన్యుల నడ్డి విరిచిందన్నారు. కరోన కష్టకాలంలో ఉపాధి కల్పించి.. ఆర్థికంగా చేదోడుగా నిలవాల్సిన కేంద్ర, రాష్ట్ర ప్రభుత్వాలు పట్టించుకోవడంలేదని ఆరోపించారు. పెంచిన ధరలను వెంటనే తగ్గించాలని డిమాండ్ చేశారు. ఈ కార్యక్రమంలో హమాలీ సంఘం అధ్యక్షులు జైపాల్, రంగన్న వీరేశ్ , రామాంజనేయ, వీరేశ్, శివ, శంకర్, గోపాల్ తదితరులు పాల్గొన్నారు.
About Author
