బోధనలో నూతనత్వం అవసరం
1 min read
పల్లెవెలుగువెబ్, రాయచోటి: మారుతున్న కాలానికి అనుగుణంగా బోధనలో నూతనత్వం అవసరమని ప్రధానోపాధ్యాయులు మడితాటి నరసింహారెడ్డి అన్నారు. రాయచోటి నియోజకవర్గంలో ని సంబేపల్లి జిల్లా పరిషత్ ఉన్నత పాఠశాలలో స్కూల్ కాంప్లెక్స్ ఉపాధ్యాయులకు శనివారం నూతన పాఠ్య పుస్తకాల పై శిక్షణా కార్యక్రమం నిర్వహించారు. ఈ సందర్భంగా ఆయన మాట్లాడుతూ శిక్షణ ద్వారా ఉపాధ్యాయులు తమ బోధనకు సాంకేతిక పరిజ్ఞానాన్ని ఉపయోగించి నాణ్యమైన విద్యను విద్యార్థులకు అందించాలని కోరారు. అదేవిధంగా విద్యార్థులకు అర్థమయ్యేలా సులభతరమైన పద్ధతులలో బోధించటానికి కృషి చేయాలన్నారు. ఈ కార్యక్రమంలో రిసోర్స్ పర్సన్లు రెడ్డయ్య రాజు, నల్లమల రామాంజులు, అశోక్ , సి ఆర్ పి నరేంద్ర తదితరులు పాల్గొన్నారు.
About Author
