నాడు–నేడు పనుల పరిశీలన
1 min read
గడువు లోపు పూర్తి చేయాలి
- అధికారులను ఆదేశించిన దెందులూరు ఎమ్మెల్యే కొటారు అబ్బాయి చౌదరి
పల్లెవెలుగు, ఏలూరు: దెందులూరు ఎమ్మెల్యే కొఠారు అబ్బయ్య చౌదరి పెదపాడు మండలంలోని వట్లూరు జిల్లా పరిషత్ ఉన్నత పాఠశాలలో బుధవారం మన బడి నాడు-నేడు కార్యక్రమంలో భాగంగా జరుగుతున్న అభివృద్ధి పనులను పరిశీలించారు. ఈ సందర్భంగా ఎమ్మెల్యే పనుల పురోగతి గురించి అడిగి తెలుసుకున్నారు. పనుల్లో నాణ్యత ప్రమాణాలు పాటించాలని, నిర్ణీత గడువులోగా పనులన్నింటినీ పూర్తి చేయాలని సంబంధిత అధికారులను ఆదేశించారు. కార్యక్రమంలో జెడ్పీ చైర్మన్ ఘంటా పద్మశ్రీ , ఏఎంసీ చైర్మన్ అప్పన కనక దుర్గాప్రసాద్, ఏలూరు పార్లమెంట్ నియోజకవర్గ రైతు విభాగం అధ్యక్షులు ఆళ్ల సతీష్ చౌదరి, గ్రామ సర్పంచ్ గుజ్జుల రత్నకుమారి, పాఠశాల హెడ్ మాస్టర్, ఉపాధ్యాయులు, నాయకులు, కార్యకర్తలు తదితరులు పాల్గొన్నారు.
About Author
