అంత‌ర్జాతీయ ప్ర‌తికూల‌త‌.. న‌ష్టాల్లో సూచీలు

ప‌ల్లెవెలుగువెబ్ : భార‌త స్టాక్ మార్కెట్ సూచీలు బుధ‌వారం నష్టాలతో ముగిశాయి. ఉదయం లాభాలతో ప్రారంభమైన స్టాక్​ మార్కెట్లు కొద్ది సేపటికే నష్టాల్లోకి జారుకున్నాయి. ఆ తర్వాత అదే బాట‌లో చివరి వరకు కొనసాగాయి. అమెరికాలో వడ్డీరేట్ల పెంపు, ద్రవ్యోల్బణ భయాలు, ముడి చమురు ధరల పెరుగుదల, దేశీయంగా ఇంధన రిటైల్‌ ధరల పెంపు, రష్యా-ఉక్రెయిన్‌ యుద్ధం.. వంటి ప్రతికూల పరిణామాలతో మదుపరులు ఆచీ తూచీ అడుగులు వేశారు. దీంతో, సూచీలు నేడు నష్టాలతో ముగిశాయి. సెన్సెక్స్ 304 పాయింట్ల న‌ష్టంతో 57,684 వ‌ద్ద‌, నిఫ్టీ 69 పాయింట్ల న‌ష్టంతో 17,245 వ‌ద్ద ముగిసింది.

About Author

pvnews

See author's posts