రాఘవేంద్ర రెడ్డి ని ఎమ్మెల్యే గా గెలుపించుకోవడం అందరి బాధ్యత
1 min read
టిడిపి, బీజేపీ, జనసేన నాయకులు
ఒక సారి ఆశీర్వాదించండి :రాఘవేంద్ర రెడ్డి
పల్లెవెలుగు వెబ్ మంత్రాలయం : టిడిపి అధిష్టానం బిసి నేత అయిన రాఘవేంద్ర రెడ్డి కి టిడిపి టికెట్ ఖరారు చేయడం వల్ల ఆయన ను ఎమ్మెల్యే గా గెలుపించుకోవడం మన అందరి బాధ్యత అని టిడిపి కౌతాలం మండలం నాయకులు ఉలిగయ్య, కోసిగి మండల నాయకులు ముత్తు రెడ్డి, పల్లెపాడు రామిరెడ్డి, జనసేన ఇన్చార్జ్ బి లక్ష్మన్న, బిజెపి నాయకులు విష్ణు వర్ధన్ రెడ్డి పిలుపునిచ్చారు. శనివారం మండల పరిధిలోని మాధవరం గ్రామంలో టిడిపి ఎమ్మెల్యే అభ్యర్థి రాఘవేంద్ర రెడ్డి నివాసంలో విలేకరుల సమావేశం ఏర్పాటు చేశారు. ఈ సందర్భంగా వారు మాట్లాడుతూ మీ కుటుంబ సభ్యులలో ఒకరుగా భావించి ఎమ్మెల్యే గా రాఘవేంద్ర రెడ్డి పోటీచేస్తున్నాడు అనుకొని గెలిపించాలని కోరారు. బిసి లంటే రౌడీలు కాదు సేవకులం అన్నారు. రేపటి నుండి బీజేపీ,తెలుగుదేశం, జనసేన ఉమ్మడి గా ప్రచారం చేసి మంత్రాలయం లో విజయపథకం ఎగరేస్తాం అని ధీమా వ్యక్తం చేశారు.2024 లో తప్పకుండ మన జనసేన, టీడీపీ,బీజేపీ అధికారం లోకి వస్తుందని జోస్యం చెప్పారు. బిసి లంటే దద్దమ్మ లు అంటున్న వాళ్లకు సవాల్ మా మీద గెలిచి ఆ మాట చెప్పాలని ప్రశ్నించారు. పొత్తు కూటమి అభ్యర్థి పోటీ చేయడం తో వైసీపీ నాయకుల గుండెల్లో రైలు పరిగెడుతున్నాయని అన్నారు. మీకు రెండు సార్లు మద్దతు చేశామని మీరు కూడా మాకు ఒక్కసారి మద్దతు ఇవ్వాలని తిక్కారెడ్డిని కోరారు. బాలనాగిరెడ్డి కోవర్ట్ అని నిరూపిస్తే రాజకీయ సన్యాసం తీసుకుంటామని తెలిపారు. మా ఐక్యతతో రాబోయే ఎన్నికల్లో మంత్రాలయం లో ఉమ్మడి టీడీపీ జెండా ఎగరవేసి చరిత్ర తిరగరాస్తామని ధీమా వ్యక్తం చేశారు. ఒక సారి ఆశీర్వాదించండి : మా నాన్న రామిరెడ్డి కలలు సాకారం చేసేందుకు ఒక సారి ఎమ్మెల్యే గా ఆశీర్వాదించాలని మంత్రాలయం టిడిపి అభ్యర్థి రాఘవేంద్ర రెడ్డి కోరారు. బి సి లకు అవకాశం కల్పించిన టిడిపి అధినేత నారా చంద్రబాబు నాయుడు కి ఎమ్మెల్యే గా గెలిచి బహుమతి గా ఇవ్వాలని కోరారు. అందరు సహకారం అందించాలని కోరారు. ఎంతో నమ్మకం తో నాకు టిడిపి టికెట్ ఇచ్చిన చంద్రబాబు నాయుడు, లోకేష్, అచ్చైనాయుడు, టిడిపి ముఖ్య నాయకులకు ధన్యవాదాలు, కృతజ్ఞతలు తెలియజేశారు. అనంతరం ఎమ్మెల్యే అభ్యర్థి ని పూలమాలలు వేసి శాలువ కప్పి ఘనంగా సన్మానించారు. స్వర్గీయ నందమూరి తారక రామారావు, చంద్రబాబు నాయుడు చిత్ర పటాలకు పాలాభిషేకం చేశారు. మహా కూటమి సమావేశం లో రామకృష్ణ, మాజీ సర్పంచ్ రఘునాథ్ రెడ్డి, సురేష్ నాయుడు, సతీష్ నాయుడు, పెద్దకడుబురు టీడీపీ నాయకులు హనుమంతరెడ్డి, విజయ్ , కోసిగి నర్సిరెడ్డి ,ఎరిగేరి రామలింగ , మాలపల్లి లక్ష్మన్న పెద్ద ఎత్తున మంత్రాలయం నలుమూలల నుండి టీడీపీ బీజేపీ జనసేన నాయకులు కార్యకర్తలు పాల్గొన్నారు.
About Author
