పిర్యాదులు పెండింగ్ లో లేకుండా చూడాలి…
1 min read
పల్లెవెలుగు వెబ్ కృష్ణ: జిల్లా ఎస్పీ యోగేష్ గౌతమ్ IPS మాగనూరు, కృష్ణ పోలీస్ స్టేషన్లను సందర్శించి పోలీస్ స్టేషన్ పరిసరాలను పరిశీలించారు. పోలీస్ స్టేషన్ ను పరిశుభ్రంగా ఉంచుకోవాలని, పోలీసు స్టేషన్లో 5s ఇంప్లిమెంటేషన్ చేయాలని సూచించారు. పోలీసు సిబ్బందికి ఏమైనా సమస్యలు ఉన్నాయని అడిగి తెలుసుకుని సమస్యలు ఉంటే నేరుగా నా దృష్టికి తీసుకురావాలని ఎస్పీ సూచించారు. పెండింగ్ కేసులకు సంబంధించి వివరాలను అడిగి తెలుసుకున్నారు. పోలీస్ స్టేషన్లోని రిసెప్షనిస్టులతో మాట్లాడారు పోలీసు స్టేషన్ కి ఎన్ని పిర్యాదులు, ఎలాంటి పిర్యాదులు వస్తాయి వాటిని ఎలా పరిష్కరిస్తున్నారని అని అడిగి తెలుసుకున్నారు. పిర్యాదులు పెండిగ్లో లేకుండా చూడాలని వాటిని వెంటనే పరిష్కరించి ప్రజలకు సేవలు అందించాలని తెలిపారు. పోలీస్ స్టేషన్లో సీసీ కెమెరాలు పని తీరు గురించి అడిగి తెలుసుకున్నారు. ఎన్నికల సంఘం నిబంధనల మేరకు ఎన్నికలు సజావుగా జరిగేందుకు పోలీసు అధికారులు సిబ్బంది కష్టపడి బాగా పనిచేయాలని, బాధ్యతగా విధులు నిర్వహించాలని ఎస్పీ తెలిపారు.
బోర్డర్ చెక్ పోస్ట్ లను తనిఖీ చేసిన. ఎస్పీ: అసెంబ్లీ ఎన్నికల నేపథ్యంలో జిల్లా సరిహద్దు చెక్పోస్టులు కృష్ణ బ్రిడ్జ్ చెక్పోస్ట్, చేగుంట చెక్పోస్ట్ లను తనిఖీ చేయడం జరిగింది.ఈ సందర్భంగా ఎస్పీ మాట్లాడుతూ… ఎన్నికల ప్రవర్తన నియమ నిబంధనలు ప్రకారం జిల్లాలో ఎన్నికలు ప్రశాంతంగా అయ్యే విధంగా చర్యలు తీసుకోవడం జరుగుతుందని, జిల్లాలో సరిహద్దుల్లో అక్రమ నగదు, మద్యం, బంగారం ఇతర విలువైన వస్తువులు రవాణా జరగకుండా చెక్పోస్టుల దగ్గర భద్రత పెంచడం జరిగిందని, కర్ణాటక రాష్ట్రం నుంచి వచ్చే ప్రతి వాహనాన్ని క్షుణ్ణంగా తనిఖీ నిర్వహించాలని ఎస్పీ తెలిపారు. చెక్ పోస్ట్ దగ్గర అప్రమత్తంగా ఉంటూ పకడ్బందీగా విధులు నిర్వర్తించాలని ఎస్పీ సూచించారు. చెక్పోస్ట్ దగ్గర పోలీసు అధికారులు, సిబ్బందికి అన్ని సదుపాయాలు ఉన్నాయని అడిగి తెలుసుకున్నారు. సమయానికి అన్ని అవసరాలు సమకూర్చాలని అధికారులకు సూచించారు. ఎస్పీతో పాటు డిఎస్పీకే సత్యనారాయణ, ఎస్సైలు విజయభాస్కర్ మల్లేష్ ఉన్నారు.
About Author
